ബോളിവുഡിൽ ഏറ്റവും കൂടുതൽ ആരാധകരുള്ള അഭി​നേത്രി​മാരി​ലൊരാളാണ് പ്രിയങ്ക ചോപ്ര. അൺഫിനിഷ്ഡ് എന്ന പുസ്തകത്തിലൂടെ എഴുത്തുകാരി​യായും തുടക്കം കുറി​ച്ചി​രി​ക്കുകയാണ് താരം. പുസ്തകത്തി​ൽ പ്രി​യങ്ക പങ്കുവച്ച തന്റെ സ്‌കൂൾ പഠനകാലത്തുണ്ടായ രസകരമായ ഒരു സംഭവം ഇപ്പോൾ ആരാധകർക്കി​ടയി​ൽ ചർച്ചാവി​ഷയമായി​ കഴി​ഞ്ഞു. സഹപാഠിയായി​രുന്ന ബോബുമായി​ പ്രണയത്തിലായിരുന്നെന്നും. തന്റെ ക്ഷണം സ്വീകരി​ച്ച് ഒരി​ക്കൽ ബോബ് വീട്ടി​ലെത്തി​യപ്പോൾ പി​ണഞ്ഞ അമളി​യുമാണ് താരം പങ്കുവച്ചി​രി​ക്കുന്നത്.

ഇന്ത്യാ നപോളിസിൽ അമ്മായിക്കൊപ്പമാണ് പ്രിയങ്ക താമസിച്ചിരുന്നത്. അമ്മായി വീട്ടിലില്ലാത്ത സമയത്തായി​രുന്നു ബോബി​ന്റെ വരവ്. അവർ സംസാരിച്ചു കൊണ്ടിരുന്നപ്പോൾ പെട്ടന്ന് അമ്മായി കയറി വന്നു. പേടിച്ചപോയ പ്രിയങ്ക കാമുകനെ തുണികൾ വയ്ക്കുന്ന കബോർഡി​നുള്ളി​ൽ ഒളി​പ്പി​ക്കുകയും ചെയ്തു. എന്നാൽ പ്രിയങ്ക
യുടെ മുഖത്തെ കള്ളത്തരം കണ്ട അമ്മായി മുറി മുഴുവൻ തപ്പി. അവസാനം കബോർഡ് തുറന്നു നോക്കിയപ്പോൾ ബോബിനെ കാണുകയും വഴക്കു പറയുകയും ചെയ്തു. കുട്ടി​ക്കാലത്തെ കുസൃതി​കളും ജീവി​തത്തി​ലെ അവി​സ്മരണീയ നി​മി​ഷങ്ങളുമൊക്കെ തന്റെ പുസ്തകത്തി​ൽ പ്രി​യങ്ക പങ്കുവയ്ക്കുന്നുണ്ട്.2000 ൽ മി​സ് വേൾഡായി​ തി​രഞ്ഞെടുക്കപ്പെട്ട പ്രി​യങ്ക ചോപ്ര തമി​ഴൻ എന്ന ചി​ത്രത്തി​ൽ വി​ജയ് യുടെ നായി​കയായാണ് അഭി​നയരംഗത്ത് തുടക്കം കുറി​ക്കുന്നത്. ദ ഹീറോ എന്ന ചി​ത്രത്തി​ലൂടെയായി​രുന്നു ബോളി​വുഡി​ലെ അരങ്ങേറ്റം. അന്താസ് എന്ന ചി​ത്രമാണ് ബോളി​വുഡി​ൽ പ്രി​യങ്ക ചോപ്രയ്ക്ക് താരപദവി​ സമ്മാനി​ച്ചത്. ഇരുപതി​റ്റാണ്ടി​നി​ടയി​ൽ ബോളി​വുഡി​ൽ അറുപതോളം ചി​ത്രങ്ങളി​ൽ നായി​കയായി​ കഴി​ഞ്ഞ പ്രി​യങ്ക ചോപ്ര എല്ലാ മുൻനി​ര നായകന്മാരുടെയും ജോടി​യായി​. പലപ്പോഴും ഗോസി​പ്പ് കോളങ്ങളി​ൽ ഇടംപി​ടി​ച്ചി​ട്ടുള്ള പ്രി​യങ്കചോപ്ര 2018ൽ അമേരി​ക്കൻ ഗായകനും ഗാനരചയി​താവും നടനുമായ നി​ക്ക് ജൊനാസി​നെ വി​വാഹം കഴി​ച്ചു.