കൊച്ചി: പെട്രോൾ,ഡീസൽ വില വീണ്ടും കൂടി. തുടർച്ചയായ അഞ്ചാം ദിവസമാണ് രാജ്യത്ത് ഇന്ധനവില വർദ്ധിക്കുന്നത്. സംസ്ഥാനത്ത് ആദ്യമായി പെട്രോൾ വില 90 രൂപയ്‌ക്ക് മുകളിലായി. തിരുവനന്തപുരം പാറശാലയിൽ പെട്രോൾ വില 90 രൂപ 22 പൈസയാണ്. ഡീസലിന് 36 പൈസയും പെട്രോളിന് 29 പൈസയുമാണ് കൂടിയത്. തിരുവനന്തപുരം നഗരത്തിൽ 90രൂപ രണ്ട് പൈസയാണ് പെട്രോൾ വില. ഡീസൽ 84 രൂപ 28 പൈസ.

കൊച്ചി നഗരത്തിൽ പെട്രോൾ വില 88 രൂപ 39 പൈസയും ഡീസൽ വില 82രൂപ 26 പൈസയുമായി. കോഴിക്കോട് 88 രൂപ 60 പൈസ, ഡീസൽ 82 രൂപ 97 പൈസയുമാണ് വില. ഈ മാസം അഞ്ചു തവണയാണ് വിലകൂട്ടിയത്. എട്ടു മാസത്തിനിടെ 16 രൂപയിലേറെയാണ് ഇന്ധന വില കൂടിയത്.

സംസ്ഥാനത്ത് നാലുദിവസം കൊണ്ട് പെട്രോളിന് 1.33 രൂപയുടെ വർദ്ധനവാണ് രേഖപ്പെടുത്തിയത്. ഡീസലിന് 1.19 വർദ്ധനവാണ് ഉണ്ടായത്.