വാഷിംഗ്ടൺ: അമേരിക്കൻ സംസ്ഥാനമായ ടെക്​സാസിൽ അന്തർ സംസ്ഥാന പാതയിൽ 133 വാഹനങ്ങൾ കൂട്ടിയിടിച്ച്​ ആറുമരണം. 65 പേർ വിവിധ ആശുപത്രികളിൽ ചികിത്സയിലാണ്​. മൂന്നുപേർ അത്യാസന്ന നിലയിലാണ്​. ടെക്​സാസ്​ -പടിഞ്ഞാറൻ വിർജീനിയ പാതയിലാണ്​ അപകടം. ദിവസങ്ങളായി തുടരുന്ന കനത്ത മഞ്ഞുവീഴ്ചയിൽ കാഴ്ച മറഞ്ഞതാണ്​ അപകടകാരണം. കാറുകളും ട്രക്കുകളുമാണ്​ തകർന്നവയിൽ അധികവും. നിരവധിപേർ വാഹനങ്ങളിൽ കുടുങ്ങി കിടക്കുന്നുണ്ടെന്നാണ്​ വിവരം.

ജോലിക്ക്​ പുറപ്പെട്ടവരാണ്​ അപകടത്തിൽപ്പെട്ടവരിൽ അധികവും. ഹൈഡ്രോളിക്​ റെസ്​ക്യൂ ഉപകരണങ്ങളുടെ സഹായത്തോടെയാണ്​ രക്ഷാപ്രവർത്തനം നടത്തിയത്. കനത്ത മഞ്ഞുവീഴ്​ച തുടരുന്നതിനാൽ സ്ഥലത്ത്​ ഗതാഗത തടസം രൂക്ഷമായിരുന്നു. അപകടത്തെ തുടർന്ന് ഇരു വശത്തുനിന്നുമുള്ള വാഹന ഗതാഗതം നിറുത്തിവച്ചു. കനത്ത മഞ്ഞുവീഴ്ചയെ തുടർന്ന്​ ​നിരവധി വാഹനാപകടങ്ങളാണ്​ കഴിഞ്ഞദിവസങ്ങളിൽ അമേരിക്കയിൽ നടന്നത്. ടെന്നിസിയിൽ മാത്രം 30ഓളം അപകടങ്ങൾ റിപ്പോർട്ട് ചെയ്തു.