 വായ്‌പാ ആസ്‌തി ₹50,000 കോടി കടന്നു

കൊച്ചി: മുത്തൂറ്റ് ഫിനാൻസിന്റെ വായ്‌പാ ആസ്‌തികൾ നടപ്പുവർഷത്തെ ആദ്യ ഒമ്പതുമാസത്തിൽ (ഏപ്രിൽ-ഡിസംബർ) 28 ശതമാനം വർദ്ധിച്ച് 55,800 കോടി രൂപയിലെത്തി. മുൻവർഷം ഇത് 43,436 കോടി രൂപയായിരുന്നു. സഞ്ചിതലാഭം 2,333 കോടി രൂപയിൽ നിന്ന് 20 ശതമാനം ഉയർന്ന് 2,795 കോടി രൂപയായി. അറ്റാദായം 2,726 കോടി രൂപയാണ്; വർദ്ധന 24 ശതമാനം.

മൊത്തം വായ്‌പാ ആസ്‌തികൾ 55,000 കോടി രൂപ കടന്നത് അഭിമാനനേട്ടമാണെന്ന് ചെയർമാൻ എം.ജി. ജോർജ് മുത്തൂറ്റ് പറഞ്ഞു. വായ്‌പാ അക്കൗണ്ടുള്ള സജീവ ഉപഭോക്താക്കൾ 50 ലക്ഷം കടന്നുവെന്ന് മാനേജിംഗ് ഡയറക്‌ടർ ജോർജ് അലക്‌സാണ്ടർ മുത്തൂറ്റ് പറഞ്ഞു.

 കഴിഞ്ഞപാദത്തിൽ സ്വർണവായ്‌പ 3,389 കോടി രൂപ വർദ്ധിച്ച് 49,622 കോടി രൂപയായി.

 3.88 ലക്ഷം പുതിയ ഉപഭോക്താക്കൾ നേടിയത് 2,976 കോടി രൂപ വായ്‌പ

 സജീവമല്ലാതിരുന്ന 4.38 ലക്ഷം ഉപഭോക്താക്കൾക്ക് 2,960 കോടി രൂപയും വായ്‌പ നൽകി