വാഷിംഗ്​ടൺ: കാപ്പിറ്റോൾ കലാപത്തിന് പ്രേരിപ്പിച്ചുവെന്ന കേസിൽ മുൻ അമേരിക്കൻ പ്രസിഡന്റ് ഡൊണാൾഡ് ട്രംപ് കുറ്റവിമുക്തൻ. ജനപ്രതിനിധി സഭയിൽ ഇംപീച്ച്മെന്റ് പാസായെങ്കിലും സെനറ്റിൽ പ്രമേയം പാസായില്ല. 57 പേർ പ്രമേയത്തെ അനുകൂലിച്ചെങ്കിലും മൂന്നിൽ രണ്ട്​ ഭൂരിപക്ഷം ലഭിക്കാത്തതിനാലാണ് പാസാകാതിരുന്നത്. വിചാരണ ഇന്ത്യൻ സമയം ഇന്നലെ വെളുപ്പിനെ രണ്ടരയോടെയാണ് പൂർത്തിയായത്. പക്ഷെ, ഏഴ്​ റിപ്പബ്ലിക്കൻ പാർട്ടി അംഗങ്ങൾ പ്രമേയത്തെ അനുകൂലിച്ചത് ട്രംപിന് വൻ തിരിച്ചടിയാണ്. മുൻപ്, 2019 ഡിസംബറിലും ഈ വർഷം ജനുവരിയിലും ജനപ്രതിനിധി സഭ ട്രംപിനെ ഇംപീച്ച്​ ചെയ്​തിരുന്നു.

അമേരിക്കയെ വീണ്ടും മികച്ചതാക്കാനുള്ള ചരിത്രപരവും ദേശസ്​നേഹത്തിലൂന്നിയുള്ളതുമായ ഞങ്ങളുടെ പോരാട്ടം രാഷ്​ട്രീയ യാത്ര ആരംഭിച്ചിട്ടേയുള്ളൂ. ഇനിയും ഒരുപാട്​ ജോലി ബാക്കിയുണ്ട്​. പരിധികളില്ലാത്ത അമേരിക്കയെ സൃഷ്​ടിക്കുന്നതിനുള്ള പോരാട്ടമാണിത് - ഡൊണാൾഡ് ട്രംപ്