വാഷിംഗ്​ടൺ: ഉടമയുടെ മരണശേഷം എട്ടുവയസുള്ള നായയ്ക്ക് പാരമ്പര്യ സ്വത്തായി ലഭിച്ചത് അഞ്ച്​ ദശലക്ഷം യു.എസ്​ ഡോളർ. അതായത്,​ 36,29,55,250 ഇന്ത്യൻ രൂപ. ബോർഡർ കോളി ഇനത്തിൽ പെട്ട ലുലു എന്ന നായയാണ്​ യജമാനനായ യു.എസിലെ​ ടെന്നിസി സ്വദേശി ബിൽ ഡോറിസിന്റെ മരണശേഷം കോടീശ്വരനായത്.

തന്റെ സമ്പാദ്യം ഒരു ട്രസ്​റ്റിന്​ നൽകുന്നതായാണ്​ ബിൽ ഡോറിസ് വിൽപത്രത്തിൽ പറയുന്നത്​. പക്ഷെ ഈ സ്വത്ത്​ ലുലുവിനെ പരിപാലിക്കാൻ മാത്രമേ ഉപയോഗിക്കാൻ സാധിക്കൂ. തന്റെ സുഹൃത്തായ മാർത്താ ബർട്ടണിനെയാണ്​ ബോറിസ്​ നായയെ പരിപാലിക്കാനായി ഏൽപ്പിച്ചത്​. മാർത്തയ്ക്ക് ലുലുവിനെ പരിപാലിക്കാനായി മാത്രം പ്രതിമാസം ഒരു നിശ്ചിത തുക വാങ്ങിച്ചെടുക്കാമെന്നും വിൽപത്രത്തിൽ പറയുന്നുണ്ട്. അതേസമയം,​ ബിൽ ഡോറിസിന്റെ ഭൂമികളുടെ മൂല്യം എത്രയാണെന്ന് കൃത്യമായ ധാരണ ലഭ്യമല്ല. പാശ്ചാത്യ രാജ്യങ്ങളിൽ വളർത്തുമൃഗങ്ങൾക്കായി സ്വത്തുവകകൾ ഉടമസ്ഥർ മാറ്റിവയ്ക്കുന്നത് സാധാരണ സംഭവമാണ്.