തിരുവനന്തപുരം: ഞാണ്ടൂർകോണത്ത് വൃദ്ധയെ മകൾ ഉപേക്ഷിച്ച് കടന്നു കളഞ്ഞു. എഴുപതുകാരിയായ സാവിത്രിയെയാണ് മകളും ഭർത്താവും വാടക വീട്ടിൽ ഉപേക്ഷിച്ചത്. വെളളിയാഴ്‌ച വീട് ഉടമയ്‌ക്ക് താക്കോൽ കൊടുത്ത ശേഷം മകളും ഭർത്താവും സ്ഥലം വിടുകയായിരുന്നു. വൈകിട്ട് വീട്ടിൽ നിന്ന് ശബ്‌ദം കേട്ട അയൽവാസികൾ ആണ് വൃദ്ധയെ വീട്ടിനുളളിൽ നിന്ന് കണ്ടെത്തിയത്. തുടർന്ന് ഇവർ പൊലീസിൽ വിവരം അറിയിക്കുകയായിരുന്നു.

പൊലീസ് സംഭവസ്ഥലത്തെത്തി വൃദ്ധയെ ഷെൽട്ടർ ഹോമിലേക്ക് മാറ്റിയിട്ടുണ്ട്. ഇവരെ ഉപേക്ഷിച്ച മകൾക്കും ഭർത്താവിനുമായി പൊലീസ് കേസെടുത്ത് അന്വേഷണം ആരംഭിച്ചു. കഴിഞ്ഞ ജൂലായ് മുതലാണ് ഇവർ ഞാണ്ടൂർക്കോണത്ത് വാടകവീട്ടിൽ താമസിച്ച് തുടങ്ങിയത്.