മ​സ്​​കറ്റ്​: 157 വി​ദേ​ശി​ക​ൾ​ക്ക്​ ഒ​മാ​ൻ പൗ​ര​ത്വം ന​ൽ​കി സുൽത്താൻ. കഴിഞ്ഞ ഞായറാഴ്ചയാണ് സുൽത്താൻ ഹൈതം ബിൻ ത്വാരിഖ് ഉത്തരവ് പുറപ്പെടുവിച്ചത്. ഒ​മാ​നി പൗ​ര​ത്വ​വും പാ​സ്​​പോ​ർ​ട്ടും ല​ഭി​ക്കു​ന്ന​തി​നാ​യി വി​ദേ​ശി​ക​ൾ 600 രൂ​പയുടെ അ​പേ​ക്ഷ ആ​ഭ്യ​ന്ത​ര മ​ന്ത്രാ​ല​യ​ത്തി​ൽ ന​ൽ​കണം. ഒ​മാ​നി പൗ​ര​ന്മാ​രു​ടെ പ​ങ്കാ​ളി​ക​ളോ മു​ൻ പ​ങ്കാ​ളി​ക​ളോ ആ​ണെ​ങ്കി​ൽ 300 രൂ​പ​യുടെ അപേക്ഷയും നൽകണം. ദീ​ർ​ഘ​നാ​ൾ ഒ​മാ​നി​ൽ ജീ​വി​ക്കു​ക​യും ജോ​ലി ചെ​യ്​​തു​വ​രു​ക​യും ചെ​യ്യു​ന്ന​വ​ർ​ക്കാ​ണ്​ പൗ​ര​ത്വ​ത്തി​ന്​ അ​പേ​ക്ഷി​ക്കാ​ൻ അ​ർ​ഹ​ത. അ​പേ​ക്ഷ​ക​ർ​ക്കെ​തി​രെ ഒ​രു ത​ര​ത്തി​ലു​ള്ള കേ​സു​ക​ളും ഉ​ണ്ടാ​കാ​ൻ പാ​ടി​ല്ല. ഇ​തി​ന്​ പ​ക​ർ​ച്ച​വ്യാ​ധി​യ​ട​ക്കം രോ​ഗ​ബാ​ധി​ത​ര​ല്ലെ​ന്ന സ​ർ​ട്ടി​ഫി​ക്ക​റ്റു​ക​ളും സ​മ​ർ​പ്പി​ക്ക​ണം. ബ​ന്ധ​പ്പെ​ട്ട രേ​ഖ​ക​ൾ സ​ഹി​തം അ​പേ​ക്ഷി​ക്കു​ന്ന​വ​രെ അ​റ​ബി ഭാ​ഷ​യിൽ എ​ഴു​ത്ത്​/​അ​ഭി​മു​ഖ പ​രീ​ക്ഷ​യാ​ണ്​ മ​ന്ത്രാ​ല​യം ആദ്യം ന​ട​ത്തു​ക. തോ​ൽ​ക്കു​ന്ന​പ​ക്ഷം ആ​റു​ മാ​സ​ത്തി​നു​ശേ​ഷം വീ​ണ്ടും പ​രി​ശ്ര​മം ന​ട​ത്താം. മൊ​ത്തം നാ​ല്​ അ​വ​സ​ര​ങ്ങ​ളാ​ണ്​ ഉ​ണ്ടാ​വു​ക. പൗ​ര​ത്വം ല​ഭി​ക്കു​ന്ന​പ​ക്ഷം ആ​ദ്യ 10​ വ​ർ​ഷ​ക്കാ​ല​യ​ള​വി​ൽ ആ​റു മാ​സ​ത്തി​ല​ധി​കം വി​ദേ​ശ​ത്ത്​ ത​ങ്ങ​രു​ത്. ഇ​ങ്ങ​നെ ത​ങ്ങ​ണ​മെ​ങ്കി​ൽ ആ​ഭ്യ​ന്ത​ര മ​ന്ത്രാ​ല​യ​ത്തിന്റെ പ്ര​ത്യേ​ക പെ​ർ​മി​റ്റ്​ ആ​വ​ശ്യ​മാ​യി​വ​രും. ഇ​ത്​ ര​ണ്ടാം ത​വ​ണ​യാ​ണ്​ സു​ൽ​ത്താ​ൻ ഹൈ​തം പൗ​ര​ത്വം ന​ൽ​കു​ന്ന​ത്. ക​ഴി​ഞ്ഞ ഡി​സം​ബ​റി​ൽ 32 പേ​ർ​ക്ക്​ പൗ​ര​ത്വം ന​ൽ​കി​യി​രു​ന്നു.