മരിക്കാർ എന്റർടൈൻമെൻസിന്റെ ബാനറിൽ ഡിനോയ് പൗലോസ് തിരക്കഥ എഴുതി അഫ്‌സൽ അബ്ദുൽ ലത്തീഫ് സംവിധാനം നിർവഹിക്കുന്ന ' പത്രോസിന്റെ പടപ്പുകൾ 'എന്ന ചിത്രത്തിന്റെ ടൈറ്റിൽ പോസ്റ്റർ പുറത്തിറങ്ങി. മമ്മൂട്ടിയും പൃഥ്വിരാജ് സുകുമാരനും ചേർന്നാണ് പോസ്റ്റർ പുറത്തിറക്കിയത്.
ഷറഫുദീൻ , ഡിനോയ് പൗലോസ് , നസ്ലിൻ, ഗ്രേസ് ആന്റണി, രഞ്ജിത മേനോൻ തുടങ്ങിയവരാണ് ചിത്രത്തിൽ പ്രധാനവേഷങ്ങളിലെത്തുന്നത്. സരേഷ് കൃഷ്ണ, ജോണി ആന്റണി, ജെയിംസ് ഏലിയാ, ഷമ്മി തിലകൻ തുടങ്ങിയവരും, നിരവധി പുതുമുഖങ്ങളും സിനിമയിൽ അണിനിരക്കുന്നു.
തണ്ണീർമത്തൻ ദിനങ്ങൾ എന്ന ഹിറ്റ് ചിത്രത്തിന് ശേഷം ഡിനോയ് പൗലോസ് തിരക്കഥ എഴുതുന്ന ചിത്രമാണ് പത്രോസിന്റെ പടപ്പുകൾ. ജയേഷ് മോഹൻ ക്യാമറയും, ജേക്‌സ് ബിജോയ് സംഗീതവും നിർവഹിക്കുന്നു. പ്രൊഡക്ഷൻ കൺട്രോളർ ജാവേദ് ചെമ്പാണ്. കല: ആഷിക്. എസ്, വസ്ത്രലങ്കാരം: ശരണ്യ ജീബു, എഡിറ്റ്: സംഗീത് പ്രതാപ്, മേക്കപ്പ്: സിനൂപ് രാജ്, മുഖ്യ സംവിധാന സഹായി: കണ്ണൻ എസ് ഉള്ളൂർ, സ്റ്റിൽസ്: സിബി ചീരൻ , പി ആർ ഒ: എസ് ദിനേശ് , ആതിര ദിൽജിത്ത് , സൗണ്ട് മിക്‌സ്: വിഷ്ണു സുജാതൻ, പരസ്യ കല : യെല്ലോ ടൂത്ത്. സിനിമയുടെ ചിത്രീകരണം ഉടൻ ആരംഭിക്കും..