മസ്കറ്റ്: ഒമാനിലെത്തുന്ന യാത്രക്കാർക്ക് ഏർപ്പെടുത്തിയ നിർബന്ധിത ഇൻസ്റ്റിറ്റ്യൂഷണൽ ക്വാറന്റീനിൽ ഇളവ് നൽകി രാജ്യം.
ഒമാനിലെ വിദേശ കാര്യാലയങ്ങളിൽ ജോലി ചെയ്യുന്ന നയതന്ത്ര ഉദ്യോഗസ്ഥർ, ഒമാൻ സന്ദർശിക്കുന്ന നയതന്ത്ര ഉദ്യോഗസ്ഥർ അവരുടെ കുടുംബാംഗങ്ങൾ എന്നിവർക്കണ് ഇളവ് ഏർപ്പെടുത്തിയത്. കൂടാതെ 16ൽ താഴെയും 60 വയസിന് മുകളിലും പ്രായമുള്ളവർ, വിമാന ജീവനക്കാർ, രോഗികളായ യാത്രക്കാർ (മെഡിക്കൽ സാഹചര്യങ്ങളെ കുറിച്ച് ഡോക്ടർമാരുടെ കത്ത് ഉണ്ടാകണം), റിലീഫ് ആൻഡ് ഷെൽട്ടർ വിഭാഗത്തിന്റെ അംഗീകാരമുള്ള സ്വകാര്യ ഇൻസ്റ്റിറ്റ്യൂഷണൽ ക്വാറന്റീൻ കേന്ദ്രങ്ങളുടെ പെർമിറ്റുകൾ കൈവശമുള്ളവർക്കും ഇളവ് ബാധകമായിരിക്കും. ഇവരെ ചെക്ക് ഇൻ സമയത്ത് ബുക്ക് ചെയ്ത ഹോട്ടൽ റിസർവേഷൻ രേഖകൾ കാണിക്കുന്നതിൽ നിന്ന് ഒഴിവാക്കിയതായി സിവിൽ ഏവിയേഷൻ പൊതു അതോറിട്ടി വിമാന കമ്പനികൾക്ക് നൽകിയ സർക്കുലറിൽ വ്യക്തമാക്കുന്നു. മറ്റ് നിർദേശങ്ങളിൽ മാറ്റമില്ല.