ന്യൂഡൽഹി: രാഹുൽ ഗാന്ധി ദളിത് പെൺകുട്ടിയെ വിവാഹം കഴിക്കണമെന്ന് കേന്ദ്രമന്ത്രി രാംദാസ് അത്താവാലെ. അതിലൂടെ ജാതി വ്യവസ്ഥ തുടച്ചുനീക്കണമെന്ന മഹാത്മാഗാന്ധിയുടെ ആഗ്രഹം പ്രാവർത്തികമാക്കണമെന്നും, യുവജനങ്ങളെ പ്രചോദിപ്പിക്കണമെന്നും മന്ത്രി പറഞ്ഞു.

കുടുംബാസൂത്രണ കാലത്ത് ഉയർന്ന് കേട്ടിരുന്ന വാചകമായിരുന്നു നാം രണ്ട് നമ്മുക്ക് രണ്ട് എന്ന വാചകം. ഇതിനെ പ്രോത്സാഹിപ്പിക്കണമെങ്കിൽ രാഹുൽ ഗാന്ധി വിവാഹിതനാകണം. ഒരു ദലിത് പെൺകുട്ടിയെ വിവാഹം കഴിക്കുകയും ജാതി വ്യവസ്ഥ തുടച്ചുനീക്കണമെന്ന മഹാത്മാഗാന്ധിയുടെ ആഗ്രഹം പ്രാവർത്തികമാക്കുകയും ചെയ്യണം. ഇതിലൂടെ യുവജനങ്ങളെ പ്രചോദിപ്പിക്കാമെന്നും അത്താവാലെ പറഞ്ഞു.

'Hum do, Humare do' slogan was used earlier for family planning. If he(Rahul Gandhi) wants to promote this, he must get married. He must marry a Dalit girl & fulfill Mahatama Gandhi's dream of eliminating casteism. It can be used to inspire youth: Union Minister Ramdas Athawale pic.twitter.com/0kZoEtN6dr

— ANI (@ANI) February 16, 2021

ജാർഖണ്ഡ് മുക്തി മോർച്ച നേതാക്കളായ ഷിബു സോറനോടും ഹേമന്ത് സോറനോടും എൻഡിഎയ്‌ക്കൊപ്പം ചേർന്ന് രാജ്യത്തിന്‌റെ വികസന പ്രവർത്തനങ്ങളുടെ ഭാഗമാകാനും അത്താവാലെ ആവശ്യപ്പെട്ടു. അങ്ങനെ ചെയ്താൽ ദില്ലിയിലും അവർക്ക് അധികാരത്തിലെത്താമെന്നും ഇത് ജാർഖണ്ഡിന്റെ വികസനത്തിനും വഴിയൊരുക്കുമെന്നും കേന്ദ്രമന്ത്രി അഭിപ്രായപ്പെട്ടു.