ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം പതിനൊന്ന് കോടി പിന്നിട്ടു.നാല് ലക്ഷത്തിലധികം പുതിയ കേസുകളാണ് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്‌തത്. 24.39 ലക്ഷം പേരാണ് വൈറസ് ബാധ മൂലം മരണമടഞ്ഞത്. നിലവിൽ 2.26 കോടി പേർ മാത്രമേ ചികിത്സയിലുള്ളൂ.

അമേരിക്കയിൽ കൊവിഡ് ബാധിതരുടെ എണ്ണം രണ്ട് കോടി എൺപത്തിനാല് ലക്ഷം കടന്നു. അരലക്ഷത്തിലധികം പുതിയ കേസുകൾ റിപ്പോർട്ട് ചെയ്തു. യു എസിൽ വൈറസ് ബാധ മൂലം മരണമടഞ്ഞവരുടെ എണ്ണം അഞ്ച് ലക്ഷം പിന്നിട്ടു. രോഗമുക്തി നേടിയവരുടെ എണ്ണം ഒരു കോടി എൺപത്തിയഞ്ച് ലക്ഷമായി.

രോഗബാധിതരുടെ എണ്ണത്തിൽ ഇന്ത്യയാണ് അമേരിക്കയ്ക്ക് തൊട്ടുപിന്നിലുള്ളത്.രാജ്യത്ത് 1.09 കോടി പേർക്കാണ് വൈറസ് ബാധ സ്ഥിരീകരിച്ചത്. പന്ത്രണ്ടായിരത്തിലധികം പുതിയ കേസുകൾ റിപ്പോർട്ട് ചെയ്തു. 1.56 ലക്ഷം പേർ മരിച്ചു. നിലവിൽ 1.38 ലക്ഷം പേർ മാത്രമേ ചികിത്സയിലുളളൂ.

രോഗികളുടെ എണ്ണത്തിൽ ലോകത്ത് മൂന്നാം സ്ഥാനത്ത് ബ്രസീലാണ്. രാജ്യത്ത് 99 ലക്ഷം പേർക്കാണ് കൊവിഡ് സ്ഥിരീകരിച്ചത്. 2.42 ലക്ഷം പേർ മരിച്ചു. എൺപത്തിയൊമ്പത് ലക്ഷം പേർ രോഗമുക്തി നേടി.