പുതുച്ചേരി: മത്സ്യത്തൊഴിലാളിയുടെ പരാതി കോൺഗ്രസ് നേതാവ് രാഹുൽ ഗാന്ധിയ്ക്ക് തെറ്റായി വിവർത്തനം ചെയ്‌ത സംഭവത്തിൽ പുതുച്ചേരി മുഖ്യമന്ത്രി നാരായണസ്വാമി വിവാദത്തിൽ. തിരഞ്ഞെടുപ്പിന് മുന്നോടിയായി രാഹുൽ ഗാന്ധി പുതുച്ചേരിയിൽ നടത്തുന്ന സന്ദർശനത്തിനിടെയാണ് സംഭവം.
സംവാദത്തിനിടയിൽ ഒരു മത്സ്യത്തൊഴിലാളി സ്ത്രീ സർക്കാരിനെതിരേ പരാതി ഉന്നയിച്ചു. നിവാർ ചുഴലിക്കാറ്റിനെ തുടർന്നുണ്ടായ കഷ്‌ടതകളിൽ തങ്ങളെ സഹായിക്കാൻ ആരുമുണ്ടായില്ലെന്നും മുഖ്യമന്ത്രി പോലും സംഭവസ്ഥലത്ത് സന്ദർശനം നടത്തിയില്ലെന്നുമായിരുന്നു സ്ത്രീയുടെ പരാതി. എന്നാൽ ചുഴലിക്കാറ്റിനെ തുടർന്ന് സർക്കാർ സ്വീകരിച്ച നടപടികളെ സ്ത്രീ പ്രശംസിക്കുകയാണെന്നാണ് പുതുച്ചേരി മുഖ്യമന്ത്രി നാരായണസ്വാമി രാഹുൽ ഗാന്ധിയെ ധരിപ്പിച്ചത്.
'നിവാർചുഴലിക്കാറ്റിന്റെ സമയത്ത് ഞാൻ സംഭവസ്ഥലത്ത് സന്ദർശനം നടത്തിയെന്നും അവർക്ക് ആശ്വാസം നൽകിയെന്നുമാണ് സ്ത്രീ പറയുന്നത്.' എന്നായിരുന്നു നാരായണസ്വാമിയുടെ പരിഭാഷ.
Aandavan 🙏
CONgress leaders seem to be competing with Rahul Gandhi in telling lies !
Elderly Woman in Tamil: Government did not help us during cyclone.
Puducherry CM Narayanaswamy to Rahul: She is thanking me for visiting her during cyclone and providing relief 😂 pic.twitter.com/G503woWDQA
മുഖ്യമന്ത്രിയുടെ നടപടി വൻ വിമർശനങ്ങൾക്ക് വഴിയൊരുക്കിയിരിക്കുകയാണ്. നുണകൾ പറയുന്നതിൽ രാഹുൽ ഗാന്ധിയുമായി കോൺഗ്രസ് നേതാക്കൾ മത്സരത്തിലാണെന്നാണ് തോന്നുന്നതെന്നാണ് വീഡിയോ പങ്കുവച്ചുകൊണ്ട് ബി ജെ പി നേതാവ് സി ടി രവി ട്വിറ്ററിൽ കുറിച്ചത്.