ചെന്നൈ : പുതുച്ചേരിയിൽ കോൺഗ്രസ് സർക്കാർ ഫെബ്രുവരി 22ന് മുൻപ് വിശ്വാസവോട്ട് നേടണമെന്ന് ലഫ്..ഗവർണർ തമിഴിസൈ സൗന്ദരരാജൻ. നിർദ്ദേശം നൽകി..അണ്ണാ ഡി.എം.കെയിലെയും എൻ.ആർ കോൺ​ഗ്രസിലെയും ഓരോ അം​ഗങ്ങളുടെ പിന്തുണയോടെ കോൺ​ഗ്രസ് ഭരണം നിലനിർത്താനുള്ള ശ്രമം തുടരുന്നതിനിടെയാണ് ഗവർണറുടെ നിർദ്ദേശം.. പ്രതിപക്ഷനേതാവ് ​ഗവർണറുമായി കൂടിക്കാഴ്ച നടത്തിയതിനു പിന്നാലെയാണ് വിശ്വാസവോട്ടെടുപ്പിനുള്ള തീരുമാനം വന്നിരിക്കുന്നത്.

സഭാ നടപടികൾ വീഡിയോ കാമറയിൽ പകർത്തണമെന്നും ​ഗവർണർ നിർദ്ദേശിച്ചിട്ടുണ്ട്. എൻ.ഡി.എ സഖ്യത്തിനും കോൺ​ഗ്രസ്-ഡി.എം.കെ സഖ്യത്തിനും നിലവിൽ 14 വീതം എം.എൽ.എമാരുടെ പിന്തുണയാണുള്ളത്. ആകെ 33 അം​ഗങ്ങളുള്ള സഭയിൽ കേവല ഭൂരിപക്ഷത്തിന് 17 പേരുടെ പിന്തുണ വേണം. നാല് എം..എൽ.എമാർ രാജിവച്ചതാണ് സർക്കാരിനെ പ്രതിസന്ധിയിലാക്കിയത്.

3 ബിജെപി എംഎൽഎമാരുൾപ്പെടെ 33 അംഗങ്ങളാണു പുതുച്ചേരി നിയമസഭയിൽ. ഇതിൽ 2 മന്ത്രിമാരുൾപ്പെടെ 4 കോൺഗ്രസ് എംഎൽഎമാർ രാജിവച്ചു. ഒരാളെ അച്ചടക്ക ലംഘനത്തിന്റെ പേരിൽ അയോഗ്യനാക്കി.