മുംബയ് : ഈ വർ‍ഷത്തെ മിസ് ഇന്ത്യയെ പ്രഖ്യാപിച്ചപ്പോൾ വിജയിയായ മാനസ വാരണാസിക്കൊപ്പമോ ഒരു പക്ഷേ അതിലേറെയോ ശ്രദ്ധ നേടിയത് റണ്ണറപ്പായ മന്യ സിംഗ് ആണ്. ഉത്തർ‌പ്രദേശിലെ ഒറു ഓട്ടോറിക്ഷാ ഡ്രൈവറുടെ മകളായിരുന്നു മന്യ.. ദുരിതങ്ങളെയും സാമ്പത്തിക പ്രതിസന്ധികളെയും അതിജീവിച്ച് മിസ് ഇന്ത്യ മത്സരത്തിനെത്തിയ മന്യയുടെ പോരാട്ടം രാജ്യം മുഴുവൻ ശ്രദ്ധിച്ച ഒന്നാണ്. മന്യ സിംഗ് വീണ്ടും വാർത്തകളിൽ നിറയുന്നത് തന്റെ ലാളിത്യമാർന്ന പെരുമാറ്റം കൊണ്ടു കൂടിയാണ്. പൂർവ്വ വിദ്യാലയമായ മുംബൈയിലെ താക്കൂർ കോളജിൽ അച്ഛൻ ഓടിച്ച ഓട്ടോറിക്ഷയിൽ വന്നിറങ്ങിയ മ ന്യ സിംഗിന്റെ വീഡിയോ സോഷ്യൽ മീഡിയയിൽ ചർച്ചയാവുകയാണ്..
കോളേജ് സംഘടിപ്പിച്ച ആദരിക്കൽ ചടങ്ങിൽ പങ്കെടുക്കാനാണ് മന്യ സിംഗ് കുടുംബത്തോടൊപ്പം എത്തിയത്.
അച്ഛൻ ഓടിക്കുന്ന വാഹനത്തിൽ അമ്മയ്‌ക്കൊപ്പമാണ് മന്യ കോളജിൽ എത്തിയത്. മന്യയ്ക്കും കുടുംബത്തിനും കോളജ് ഗംഭീര സ്വീകരണമാണ് നൽകിയത്. ജനങ്ങളുടെ ആദരവിൽ മാതാപിതാക്കൾ വികാരഭരിതരായി. ഇവരുടെ കണ്ണുകളിൽ നിന്ന് ഒഴുകിയ കണ്ണുനീർ മന്യ തുടയ്ക്കുന്നതും മാതാപിതാക്കളുടെ കാലിൽ തൊട്ട് വണങ്ങുന്നതുമായ ദൃശ്യങ്ങൾ നിറഞ്ഞ കൈയടിയാണ് നേടിയത്.
What an inspirational story! ♥️
— Sabita Chanda (@itsmesabita) February 17, 2021
Manya Singh, Miss India 2020 runner-up pic.twitter.com/85JeFXTu0J