വാഷിംഗ്ടൺ: നാസയുടെ ദൗത്യ പേടകം പെഴ്‌സെവറന്‍സ് റോവർ ചൊവ്വയുടെ ഉപരിതലത്തിലിറങ്ങി. ഇന്ത്യൻ സമയം പുലർച്ചെ 2.30 ഓടെയാണ് ചൊവ്വയിലിറങ്ങിയത്. മുമ്പ് എപ്പോഴെങ്കിലും ഇവിടെ ജീവന്‍ ഉണ്ടായിരുന്നോ എന്ന് കണ്ടെത്തുന്നതിനുവേണ്ടിയാണ് നാസയുടെ ഈ ദൗത്യം.

പെഴ്‌സെവറന്‍സ് റോവര്‍ പകര്‍ത്തിയ ചിത്രങ്ങള്‍ പുറത്തുവന്നു. മുൻപ് തടാകമായിരുന്നെന്ന് കരുതുന്ന ജെസറോ ഗർത്തത്തിലാണ് റോവര്‍ ഇറങ്ങിയത്.ചൊവ്വയിലെ പാറക്കഷണങ്ങളും ഉപരിതലം കുഴിച്ചുള്ള സാംപിളുകളും ശേഖരിച്ചശേഷം 2031ല്‍ നാസ റോവർ ഭൂമിയിലേക്ക് തിരിച്ചെത്തും.

ദൗത്യം വിജയകരമായി പൂർത്തിയാക്കിയതായി നാസ ട്വിറ്ററിലൂടെ അറിയിച്ചു. ചൊവ്വയിലിറങ്ങുന്ന അഞ്ചാമത്തെ റോവറാണ് പെഴ്സെവറന്‍സ്. ഏഴ് മാസത്തിനുള്ളില്‍ 30 കോടി മൈല്‍ സഞ്ചരിച്ചാണ് പെര്‍സെവറന്‍സ് ചൊവ്വയിലെത്തിയത്. 300 കോടി ഡോളറാണ് ചിലവ്.

After 203 days and 300 million miles, our @NASAPersevere landed on Mars at 3:55 p.m. EST on Feb. 18. After spending some time checking out its systems, it'll be rolling across the Red Planet, looking for signs of ancient Martian life. https://t.co/3Tr7doXdJS pic.twitter.com/FhwoXz5l4n

— NASA (@NASA) February 19, 2021