തിരുവനന്തപുരം: പി എസ് സി ഉദ്യോഗാർത്ഥികൾ നടത്തിവരുന്ന സമരം ഇരുപത്തിയാറാം ദിവസത്തിലേക്ക് കടന്നു. സെക്രട്ടറിയേറ്റിന് മുന്നിൽ മീൻ വിൽപ്പന നടത്തിയാണ് ഇന്ന് ഉദ്യോഗാർത്ഥികൾ പ്രതിഷേധിക്കുന്നത്. സി പി ഒ റാങ്ക് ലിസ്റ്റിൽ ഉൾപ്പെട്ട ഉദ്യോഗാർത്ഥികളാണ് മീൻ വിൽപ്പന നടത്തുന്നത്. യു ഡി എഫ് കൺവീനർ എം എം ഹസൻ ഇവരെ സന്ദർശിച്ച ശേഷം മീൻ വാങ്ങി പ്രതിഷേധത്തിൽ പങ്കുചേർന്നു.

സർക്കാരിന്റെ ഭാഗത്ത് നിന്നും അനുകൂലമായ നിലപാട് ഉണ്ടാകാത്ത സാഹചര്യത്തിൽ ഗവർണറെ കണ്ട് പരാതി ബോധിപ്പിക്കാനാണ് ഉദ്യോഗാർത്ഥികളുടെ നീക്കം. ഉദ്യോഗാർത്ഥികളോട് അനുഭാവം പ്രകടിപ്പിച്ച് ഉപവാസം അനുഷ്‌ഠിക്കുന്ന ബി ജെ പി നേതാവ് ശോഭാ സുരേന്ദ്രനാണ് ഇതിനുവേണ്ട ക്രമീകരണങ്ങൾ ഒരുക്കിയത്. ശോഭ സുരേന്ദ്രന്റെ 48 മണിക്കൂർ ഉപവാസം അവസാനിച്ചു. അതേസമയം, എം എൽ എമാരായ ഷാഫി പറമ്പിലും കെ എസ് ശബരിനാഥും നടത്തിവരുന്ന നിരാഹാരം ആറാം ദിവസത്തിലേക്ക് കടന്നു.