വാഷിംഗ്​ടൺ: ഇറാൻ ആണവ ചർച്ചയിലെ പങ്കാളിത്തം പുനഃരാംരംഭിക്കാൻ അമേരിക്കൻ പ്രസിഡന്റ് ജോ ബൈഡൻ തയ്യാറെടുക്കുന്നതായി റിപ്പോർട്ട്. മുൻ പ്രസിഡന്റ് ഡൊണാൾഡ് ട്രംപ് ഈ ചർച്ച അവസാനിപ്പിച്ചിരുന്നു. യൂറോപ്യൻ യൂനിയൻ മുൻകൈയ്യെടുത്ത് വീണ്ടും ആരംഭിക്കുന്ന ചർച്ചയിൽ പ​ങ്കെടുക്കാമെന്ന്​ അമേരിക്ക അറിയിച്ചു. 2015ൽ ലോക വൻശക്​തികൾ ഇറാനുമായി ഒപ്പുവച്ച ആണവ കരാർ പുനഃസ്​ഥാപിക്കുന്നതിന്റെ ഭാഗമായാണിത്. ഇറാനും മറ്റു അഞ്ചു രാജ്യങ്ങളും

പങ്കെടുക്കുന്ന ചർച്ചയിൽ അമേരിക്കയുമുണ്ടാകുമെന്ന് യു.എസ്​ വിദേശകാര്യ വക്​താവ്​ നെഡ്​ പ്രൈസ്​ പറഞ്ഞു. ആണവ കരാറിലേക്ക്​ ഇറാൻ തിരിച്ചെത്തണമെന്ന്​ പുറമെ യു.കെ, ഫ്രാൻസ്​, ജർമനി എന്നിവ ചേർന്ന്​ വ്യാഴാഴ്​ച ആവശ്യപ്പെട്ടിട്ടുണ്ട്​.

ഉപരോധം ഇളവു ചെയ്യാമെന്ന വ്യവസ്ഥയിൽ യിൽ ഇറാനു മേൽ കടുത്ത നിബന്ധനകൾ ഏർപ്പെടുത്തി 2015ലാണ്​ കരാറിലൊപ്പുവച്ചിരുന്നത്​. എന്നാൽ, 2018ൽ കരാറിൽനിന്ന്​ പിൻവാങ്ങുന്നതായി ട്രംപ്​ പ്രഖ്യാപിച്ചു. പിന്നാലെ, പുതിയ ഉപരോധം പ്രഖ്യാപിക്കുകയും ചെയ്​തു. ബൈഡൻ അധികാരത്തിലെത്തിയ ഉടൻ ചർച്ച പുനഃരാരംഭിക്കാൻ ഇറാനും സന്നദ്ധത അറിയിച്ചിരുന്നു. എന്നാൽ, ചൈനക്കെയ്ക്കെതിരെ പഴയ നിലപാടിൽ വിട്ടുവീഴ്​ചയില്ലെന്ന്​ ബൈഡൻ പ്രഖ്യാപനം നടത്തിയ സാഹചര്യത്തിൽ ചർച്ചയുടെ വിജയം ഉറപ്പു പറയാനാവില്ല.

അമേരിക്കയുടെ പിൻമാറ്റവും പുതിയ ഉപരോധവും ആരംഭിച്ചതിന്​ പിന്നാലെ ആണവ പദ്ധതികൾ ഇറാൻ പുനഃരാരംഭിച്ചിരുന്നു. അത്യാധുനിക സെൻട്രിഫ്യൂഗുകളുടെ നിർമാണത്തിനു പുറമെ ഇറാൻ യുറേനിയം ഉപയോഗിച്ച്​ ആയുധ വികസനവും ആരംഭിച്ചെന്നാണ് റിപ്പോർട്ടുകൾ.

അതേ സമയം, നേരത്തെ ട്രംപ്​ ഇറാൻ ഉദ്യോഗസ്ഥർക്കുമേൽ അടിച്ചേൽപിച്ച യാത്ര വിലക്കുൾപ്പെടെയുള്ള പുതിയ ഉപരോധ നടപടികൾ നിറുത്തിവയ്ക്കാൻ ബൈഡൻ ഉത്തരവിട്ടു.