വാഷിംഗ്ടൺ: ഡെൻവർ അന്താരാഷ്ട്ര വിമാനത്താവളത്തിൽ നിന്ന് പറന്നുയർന്നതിന് തൊട്ടുപിന്നാലെ യുണൈറ്റഡ് എയർലൈൻസ് വിമാനത്തിന്റെ എഞ്ചിൻ തകരാറിലായി. അപകടാവസ്ഥയിലും വിമാനം സുരക്ഷിതമായി ലാൻഡിംഗ് നടത്തിയെന്ന് ഫെഡറൽ ഏവിയേഷൻ അസോസിയേഷൻ അറിയിച്ചു. ശനിയാഴ്ചയായിരുന്നു സംഭവം.

വിമാനത്തിന്റെ ചില ഭാഗങ്ങൾ സമീപസ്ഥലങ്ങളിൽ പതിച്ചു.231 യാത്രക്കാരും 10 ജീവനക്കാരുമായി ബോയിംഗ് 777200 വിമാനം ഹൊനോലുലുവിലേക്ക് പോവുകയായിരുന്നു. പറന്നുയർന്നയുടൻ എഞ്ചിൻ തകരാറിലായി. ആർക്കും പരിക്കേറ്റിട്ടില്ലെന്നാണ് റിപ്പോർട്ടുകൾ.

Engine failure on Boeing 777 United aircraft. Plane took off from Denver and returned safely in 20 minutes. Engine parts fell soon after take off. Pilots flew the aircraft back safely. Look at the engine, it's hardly in shape. pic.twitter.com/gByQ9Sj85q

— Nagarjun Dwarakanath (@nagarjund) February 21, 2021

സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിച്ചുകൊണ്ടിരിക്കുകയാണ്. അവശിഷ്ടങ്ങൾ നിലത്ത് പതിക്കുന്നതായും ഒരു വീഡിയോയിൽ കാണിക്കുന്നു. വിമാനത്തിനുള്ളിൽ നിന്ന് എടുത്തതായി തോന്നുന്ന മറ്റൊരു വീഡിയോയിൽ എഞ്ചിന് തീപിടിച്ചതായി കാണാം.

'എന്തോ പൊട്ടിത്തെറിച്ചു,' എന്ന് ഒരാൾ പറയുന്നത് വീഡിയോയിൽ കേൾക്കാം. സമയോചിതമായി പ്രവർത്തിച്ച പൈലറ്റുമാരെ സോഷ്യൽ മീഡിയയിലൂടെ ചില‌ർ പ്രശംസിക്കുന്നുണ്ട്.2018 ഫെബ്രുവരിയിൽ ഹൊനോലുലുവിലേക്ക് പുറപ്പെട്ട പഴയ ബോയിംഗ് 777 വിമാനം ലാൻഡ് ചെയ്യുന്നതിന് 30 മിനിറ്റ് മുമ്പ് എഞ്ചിൻ തകരാറിലായി നിലം പതിച്ചിരുന്നു.