തിരുവനന്തപുരം: കെ എസ് ആർ ടി സി യൂണിയനുകളുമായി എം ഡി നടത്തിയ ചർച്ച പരാജയം. നാളെ നടത്താൻ തീരുമാനിച്ചിരുന്ന പണിമുടക്ക് മാറ്റിവയ്‌ക്കില്ലെന്ന് യൂണിയൻ പ്രതിനിധികൾ അറിയിച്ചു. കെ എസ് ആർ ടി സിയുടെ സ്വകാര്യവത്ക്കരണത്തിനെതിരെയും ശമ്പള പരിഷ്ക്കരണം നടപ്പാക്കണമെന്നും ആവശ്യപ്പെട്ടാണ് ഫെബ്രുവരി 23ന് പണിമുടക്ക് നടത്താൻ ഐ എൻ ടി യു സി നേതൃത്വം നൽകുന്ന ടി ഡി എഫ് തീരുമാനിച്ചത്.