ആര്യയെ നായകനാക്കി ശക്‌തി സൗന്ദർ രാജൻ സംവിധാനം ചെയ്യുന്ന ഫാന്റസി ആക്ഷൻ ചിത്രം ടെഡി മാർച്ച് 12ന് ഹോട്ട് സ്റ്റാറിൽ റിലീസ് ചെയ്യും. ആര്യയുടെ ഭാര്യയും നടിയുമായ സയേഷയാണ് നായിക. വിവാഹത്തിനുശേഷം ആര്യയും സയേഷയും ആദ്യമായി ഒന്നിക്കുന്ന ചിത്രം കൂടിയാണിത്. സതീഷ്, സാക്ഷി അഗർവാൾ എന്നിവരാണ് മറ്റു താരങ്ങൾ. സംഗീതം : ഇമ്മൻ. 2012ൽ പുറത്തിറങ്ങിയ ഹോളിവുഡ് സിനിമ ടെഡിന്റെ റീമേക്ക് ആണ് ടെഡി.അതേസമയം മലയാളത്തിൽ മുഴുനീള നായക വേഷത്തിൽ എത്താൻ ഒരുങ്ങുകയാണ് ആര്യ. ഒരു ചരിത്ര സിനിമയിലാണ് താരം അഭിനയിക്കുക. മേയിൽ ചിത്രീകരണം ആരംഭിക്കും.