നാസിക്: 11 വർഷത്തെ സേവനത്തിന് ശേഷം വിരമിച്ച പൊലീസ് നായക്ക് രാജകീയ യാത്രയയപ്പ്. നാസിക് പൊലീസ് ബോംബ് സ്‌ക്വാഡിലെ അംഗമായിരുന്ന സ്നിഫർ ഡോഗിനാണ് യാത്രയയപ്പ് നൽകിയത്. മഹാരാഷ്ട്ര ആഭ്യന്തരമന്ത്രി അനിൽ ദേശ്‌മുഖ് ഓൺലൈനിലൂടെ ചടങ്ങിന് നേതൃത്വം നൽകി. അലങ്കരിച്ച പൊലീസ് വാഹനത്തിലെ ബോണറ്റിൽ കയറ്റി, പൊലീസുകാരുടെ അകമ്പടിയോടെയാണ് ചടങ്ങ് നടത്തിയത്.

'അവൻ വെറുമൊരു പൊലീസ് നായമാത്രമല്ല. പൊലീസ് കുടുംബത്തിലെ ഒരംഗമാണ്. രാജ്യത്തിന് വേണ്ടി അവന് ചെയ്ത സേവനത്തിന് അഭിവാദ്യം ചെയ്യുന്നു.'-ദേശ്‌മുഖ് പറഞ്ഞു. നാസിക് പൊലീസ് ബോംബ് സ്‌ക്വാഡിലെ പ്രധാനപ്പെട്ട സ്നിഫറാണ് വിരമിച്ചത്.