വാഷിംഗ്ടൺ: അമേരിക്കൻ ജനതയെ കൊവിഡ്​ ദുരിതത്തിൽനിന്ന്​ കരകയറ്റാൻ പ്രസിഡന്റ്​ ജോ ബൈഡൻ പ്രഖ്യാപിച്ച 1.9 ട്രില്യ​ൺ ഡോളന്റെ സാമ്പത്തിക പാക്കേജിന്​ അംഗീകാരം നൽകി ജനപ്രതിനിധി സഭ. 212നെതിരെ 219 വോട്ടുകൾക്കാണ്​ പാക്കേജ്​ പാസാക്കിയത്​. ഇനി സെനറ്റ്​ കൂടി അംഗീകരിച്ചാൽ സാമ്പത്തിക പാക്കേജ്​ അനുവദിക്കാം. അതേസമയം, രണ്ട്​ ഡമോക്രാറ്റിക്​ അംഗങ്ങൾ പാക്കേജിനെ പിന്തുണച്ചില്ല. റിപ്പബ്ലിക്കൻസും എതിർപ്പ് പ്രകടിപ്പിച്ചു. സമ്പദ്​ വ്യവസ്ഥയെ ഉത്തേജിപ്പിക്കാനും കൊവിഡ്​ വാക്​സിനേഷനും പരിശോധനയും വ്യാപിപ്പിക്കാനുമുള്ള പ്രവർത്തനങ്ങൾക്കാണ്​ പാക്കേജിൽ തുക വകയിരുത്തിയത്​. കൊവിഡിൽ തകർന്ന ചെറുകിട ബിസിനസ്​ സംരംഭകർക്കും വീട്ടുടമകൾക്കും പ്രാദേശിക ഭരണകൂടങ്ങൾക്കും പണം നൽകും. കൊവിഡ് മൂലം രാജ്യത്ത് തൊഴിലില്ലായ്മ വർദ്ധിച്ചിരുന്നു.

ഒരു കോടി തൊഴിലവസരങ്ങൾ സൃഷ്​ടിക്കാനും ബൈഡൻ ഭരണകൂടത്തിന്​ പദ്ധതിയുണ്ട്​.

അതേസമയം, മിനിമം വേതനം മണിക്കൂറിന്​ 15 ഡോളർ എന്നതിനും റിപ്പബ്ലിക്കൻ സെനറ്റർമാർക്ക്​ എതിർപ്പുണ്ട്​.