ഇസ്ലാമാബാദ്: നിയന്ത്രണരേഖയിൽ ഇന്ത്യയും പാകിസ്ഥാനും തമ്മിലുള്ള വെടിനിറുത്തൽ കരാർ സ്വാഗതം ചെയ്ത് പാകിസ്ഥാൻ പ്രധാമന്ത്രി ഇമ്രാൻ ഖാൻ. കരാർ പാകിസ്ഥാൻ പൂർണമായി പാലിക്കുമെന്നും ഇന്ത്യയുമായുള്ള മറ്റ് പ്രശ്നങ്ങൾ ചർച്ചയിലൂടെ പരിഹരിക്കാൻ തയാറാണെന്നും അദ്ദേഹം അറിയിച്ചു. ഇന്ത്യ അതിനുള്ള സാഹചര്യം ഒരുക്കണം. കശ്മീർ ജനതയുടെ സ്വയംഭരണമെന്ന അവകാശം ഇന്ത്യ അംഗീകരിക്കണം. സമാധാനത്തിനായി എന്തു നടപടിക്കും പാകിസ്താൻ തയ്യാറാണ് -ഇമ്രാൻ ട്വീറ്റ് ചെയ്തു.