പത്തനംതിട്ട: സാമൂഹിക പ്രവർത്തക ഡോ.എം.എസ്. സുനിൽ ഭവനരഹിതരായ നിരാലംബർക്ക് പണിതു നൽകുന്ന 191-ാമത്തെ സ്‌നേഹഭവനം വയലാവടക്കേ കൊട്ടാരത്തിനു സമീപം കൊല്ലീലത്ത് സാനിക്ക് നൽകി. വിദേശ മലയാളിയായ ജോസ് കരിങ്കുളത്തിന്റെ സഹായത്തോടെയാണ് വീട് നിർമ്മിച്ചത്. പറക്കോട് ബ്ലോക്ക് പഞ്ചായത്ത് പ്രസിഡന്റും ജില്ലാ ലൈബ്രറി കൗൺസിൽ സെക്രട്ടറിയുമായ തുളസീധരൻ പിള്ള ഉദ്ഘാടനം ചെയ്തു. കെ.പി. ജയലാൽ, ഗീത സുനിൽ , ഹരിത കൃഷ്ണൻ എന്നിവർ പ്രസംഗിച്ചു.