പത്തനംതിട്ട : ജില്ലയിൽ ഇന്നലെ 496 പേർക്ക് കൊവിഡ് സ്ഥിരീകരിച്ചു.
ഇന്നലെ രോഗം സ്ഥിരീകരിച്ചവരിൽ 16 പേർ വിദേശത്ത് നിന്ന് വന്നവരും നാലു പേർ മറ്റുസംസ്ഥാനങ്ങളിൽ നിന്ന് വന്നവരും, 476 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 26 പേരുണ്ട്.
ഇതുവരെ ആകെ 47422 പേർക്ക് രോഗം ബാധിച്ചിട്ടുണ്ട്. ഇതിൽ 42189 പേർ സമ്പർക്കം മൂലം രോഗം സ്ഥിരീകരിച്ചവരാണ്. ഇന്നലെ 224പേർ രോഗമുക്തരായി. ആകെ രോഗമുക്തരായവരുടെ എണ്ണം 41228 ആണ്.

അഞ്ച് മരണംകൂടി

ഇന്നലെ ജില്ലയിൽ കൊവിഡ് ബാധിതരായ അഞ്ചു പേരുടെ മരണം റിപ്പോർട്ട് ചെയ്തു.
1) വെച്ചൂച്ചിറ സ്വദേശി (31) റാന്നി മേനാംതോട്ടം സി.എഫ്.എൽ.ടി.സി.യിൽ മരിച്ചു.
2) റാന്നിപെരുനാട് സ്വദേശിനി (67) കോഴഞ്ചേരി ജില്ലാ ആശുപത്രിയിൽ മരിച്ചു.
3) നാറാണംമൂഴി സ്വദേശിനി (72) കോട്ടയം മെഡിക്കൽ കോളജ് ആശുപത്രിയിൽ മരിച്ചു.
4) പളളിക്കൽ സ്വദേശി (64) കോഴഞ്ചേരി ജില്ലാ ആശുപത്രിയിൽ മരണമടഞ്ഞു.
5) കോയിപ്രം സ്വദേശി (78) തിരുവല്ലയിലെ സ്വകാര്യ ആശുപത്രിയിൽ മരിച്ചു.