പത്തനംതിട്ട : ജില്ലയിൽ ഇന്നലെ 570 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ 11 പേർ വിദേശത്ത് നിന്ന് വന്നവരും, 17 പേർ മറ്റുസംസ്ഥാനങ്ങളിൽ നിന്ന് വന്നവരും, 542 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 32 പേരുണ്ട്.

ജില്ലയിൽ ഇതുവരെ ആകെ 47992 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 42731 പേർ സമ്പർക്കം മൂലം രോഗികളായവരാണ്. ഇന്നലെ കൊവിഡ് ബാധിതനായ ഒരാളുടെ മരണം റിപ്പോർട്ട് ചെയ്തു.
പന്തളം സ്വദേശിനി ആണ് എറണാകുളത്തുളള സ്വകാര്യ ആശുപത്രിയിൽ മരിച്ചത്. തുടർന്നു നടത്തിയ സ്രവ പരിശോധനയിൽ രോഗബാധ സ്ഥിരീകരിച്ചു. ജില്ലയിൽ ഇന്നലെ 443 പേർ രോഗമുക്തരായി. ആകെ രോഗമുക്തരായവരുടെ എണ്ണം 41671 ആണ്.