ചെങ്ങന്നൂർ: മാന്നാർ എസ്.എൻ.ഡി.പി യൂണിയനിലെ 141-ാം പുത്തൻകോട്ടയ്ക്കകം ശാഖായോഗ അംഗമായ സൂരജ് മുരളിയ്ക്ക് വെള്ളാപ്പള്ളി നടേശൻ സിൽവർ ജൂബിലി വിദ്യാഭ്യാസ സ്കോളർഷിപ്പ് യൂണിയൻ ചെയർമാൻ ഡോ.എം.പി. വിജയകുമാർ നൽകി. നീറ്റ് മെഡിക്കൽ എൻട്രൻസ് പരീക്ഷയിൽ ഉന്നതവിജയം നേടിയ എം.ബി.ബി.എസിന് പഠനാർഹനായ സൂരജിനെ ശാഖായോഗം ഹാളിൽ കൂടിയ വിശേഷാൽ പൊതുയോഗം അഭിനന്ദിച്ചു. യൂണിയൻ കൺവീനർ ജയലാൽ എസ്.പടിത്തറ അദ്ധ്യക്ഷത വഹിച്ച യോഗം യൂണിയൻ ചെയർമാൻ ഉദ്ഘാടനം ചെയ്തു. യൂണിയൻ അഡ്മിനിസ്ട്രേറ്റീവ് കമ്മിറ്റി അംഗം ദയകുമാർ ചെന്നിത്തല, ശാഖാ വൈസ് പ്രസിഡന്റ് സഹദേവൻ, പോഷക സംഘടന യൂണിയൻ ഭാരവാഹികളായ പ്രവദ രാജപ്പൻ, ബിജു ഗോപിനാഥ് എന്നിവർ സംസാരിച്ചു. യോഗത്തിന് ശാഖായോഗം പ്രസിഡന്റ് ഗോപാലൻ സ്വാഗതവും സെക്രട്ടറി സുരേഷ് ശ്രീധരൻ നന്ദിയും പറഞ്ഞു.