പത്തനംതിട്ട - ജില്ലയിൽ ഇന്നലെ 496 പേർക്ക് കൊവിഡ് സ്ഥിരീകരിച്ചു. അഞ്ചുപേർ വിദേശത്ത് നിന്ന് വന്നവരും, മൂന്നു പേർ മറ്റ് സംസ്ഥാനങ്ങളിൽ നിന്ന് വന്നവരുമാണ്. 488 പേർക്ക് സമ്പർക്കത്തിലൂടെ രോഗം ബാധിച്ചു.

പുതിയ കണ്ടെയ്ൻമെന്റ് സോണുകൾ

വെച്ചൂച്ചിറ ഗ്രാമപഞ്ചായത്ത് വാർഡ് 13 കുംഭിത്തോട് പട്ടികജാതി കോളനി പ്രദേശം (മൈക്രോ കണ്ടെയ്ൻമെന്റ് സോൺ), ഏറത്ത് ഗ്രാമപഞ്ചായത്ത് വാർഡ് 15 അന്തിച്ചിറ ഭാഗം (മൈക്രോ കണ്ടെയ്ൻമെന്റ് സോൺ), ഏനാദിമംഗലം ഗ്രാമപഞ്ചായത്ത് വാർഡ് 5 മാരൂർ തോട്ടപ്പാലം, മാവില, പൂക്കാവിടി ജംഗ്ഷൻ (മൈക്രോ കണ്ടെയ്ൻമെന്റ് സോൺ) എന്നീ പ്രദേശങ്ങളിൽ ഫെബ്രുവരി 9 മുതൽ ഏഴു ദിവസത്തേക്ക് കണ്ടെയ്ൻമെന്റ് സോൺ നിയന്ത്രണം.

നിയന്ത്രണത്തിൽ നിന്ന് ഒഴിവാക്കി

അടൂർ മുനിസിപ്പാലിറ്റി വാർഡ് 6 (പന്നിവിഴ കോഓപ്പറേറ്റീവ് ബാങ്ക് ഭാഗം, കൈതക്കര എം.ജി റോഡ് ഭാഗം), വാർഡ് 27 (ഹോളിക്രോസിന്റെ മുഴുവൻ ഭാഗങ്ങൾ), ഏനാദിമംഗലം ഗ്രാമപഞ്ചായത്ത് വാർഡ് 11 (കുന്നിട കിഴക്ക് മണ്ണാറ്റൂർ ഭാഗം), വാർഡ് 15 (മങ്ങാട് സൗത്തിലെ പാറയ്ക്കൽ ,വാഴോട്ട് ഭാഗങ്ങൾ), കവിയൂർ ഗ്രാമപഞ്ചായത്ത് വാർഡ് 5 (കോട്ടൂർ),വാർഡ് 14 (എലവിനാൽ), കൊടുമൺ ഗ്രാമപഞ്ചായത്ത് വാർഡ് 11 ,15, പ്രമാടം ഗ്രാമപഞ്ചായത്ത് വാർഡ് 11, 19, കോയിപ്രം ഗ്രാമപഞ്ചായത്ത് വാർഡ് 11 (നെല്ലിക്കൽ, പാറക്കൂട്ടം ഭാഗം), വാർഡ് 10 (ചെള്ളേത്തുപാറ, കടപ്ര തടിമിൽ എന്നീ ഭാഗങ്ങൾ), വാർഡ് 14 (കല്ലുവാരിക്കൽ കണമൂട് ഭാഗം) വാർഡ് 16 (ചേന്നമല ഭാഗം ), വാർഡ് 4 (കുറവൻകുഴി, ചാലുവാതുക്കൽ വള്ളിക്കാല ഭാഗങ്ങൾ),വാർഡ് 7 (നെടുമണ്ണിൽ തെറ്റുപാറ ഭാഗം) എന്നീ പ്രദേശങ്ങളെ ഫെബ്രുവരി 10 മുതൽ കണ്ടെയ്ൻമെന്റ് സോൺ നിയന്ത്രണത്തിൽ നിന്ന് ഒഴിവാക്കി.