ചെങ്ങന്നൂർ : കുടുംബ ബന്ധങ്ങളുടെ കെട്ടുറപ്പും സുരക്ഷിതത്വവും ഉറപ്പുവരുത്താൻ യുവതി യുവാക്കൾക്ക് ഐശ്വര്യപൂർണമായ കുടുംബജീവിതം ഉറപ്പാക്കുന്നതിന്റെ ഭാഗമായി ചെങ്ങന്നൂർ എസ്.എൻ.ഡി.പി.യൂണിയൻ പ്രീമാര്യേജ് കൗൺസലിംഗ് ക്ലാസുകൾ സംഘടിപ്പിക്കുന്നു. 13, 14 തീയതികളിൽ ചെങ്ങന്നൂർ എസ്.എൻ.ഡി.പി.യൂണിയനിൽ സരസകവി മൂലൂർ സ്മാരക ഹാളിലാണ് ക്ലാസുകൾ നടക്കുന്നത്. എറണാകുളം മുക്തിഭവൻ കൗൺസലിംഗ് സെന്ററാണ് ക്ലാസുകൾ നയിക്കുന്നത്. ശനിയാഴ്ച രാവിലെ 9.30ന് കൗൺസലിംഗ് ക്ലാസിന്റെ ഉദ്ഘാടനം യൂണിയൻ ചെയർമാൻ എം.ബി.ശ്രീകുമാർ നിർവഹിക്കും. കൺവീനർ അനിൽ പി.ശ്രീരംഗം അദ്ധ്യക്ഷത വഹിക്കും. രാജേഷ് പൊന്മല, സുരേഷ് പരമേശ്വരൻ, കൊടുവഴങ്ങ ബാലകൃഷ്ണൻ, ഡോ.ശരത്ചന്ദ്രൻ, ഷൈലജാ രവീന്ദ്രൻ എന്നിവർ ക്ലാസുകൾ നയിക്കും. ഞായറാഴ്ച വൈകിട്ട് 4ന് ക്ലാസിൽ പങ്കെടുത്തവർക്കുള്ള സർട്ടിഫിക്കറ്റുകൾ വനിതാസംഘം യൂണിയൻ പ്രസിഡന്റ് ഐഷാ പുരുഷോത്തമൻ വിതരണം ചെയ്യും. മോഹനൻ കൊഴുവല്ലൂർ സ്വാഗതവും ബി.ജയപ്രകാശ് തൊട്ടാവാടി കൃതഞ്ജതയും പറയും. പങ്കെടുക്കാൻ ആഗ്രഹിക്കുന്നവർ യൂണിയൻ ഓഫീസുമായോ യൂണിയൻ കൺവീനറുമായോ ബന്ധപ്പെടുക. ഫോൺ: 04792452216, 9447000097