ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയൻ നടത്തുന്ന വിവാഹ പൂർവ കൗൺസലിംഗ് ക്ളാസുകൾ ഇന്നും നാളെയും സരസകവി മൂലൂർ സ്മാരക ഹാളിൽ നടക്കും. എറണാകുളം മുക്തിഭവൻ കൗൺസലിംഗ് സെന്ററാണ് ക്ലാസുകൾ നയിക്കുന്നത്. ഇന്ന് രാവിലെ 9.30ന് യൂണിയൻ ചെയർമാൻ എം.ബി.ശ്രീകുമാർ ഉദ്ഘാടനം ചെയ്യും. കൺവീനർ അനിൽ പി.ശ്രീരംഗം അദ്ധ്യക്ഷനാവും. രാജേഷ് പൊന്മല, സുരേഷ് പരമേശ്വരൻ, കൊടുവഴങ്ങ ബാലകൃഷ്ണൻ, ഡോ.ശരത്ചന്ദ്രൻ, ഷൈലജാ രവീന്ദ്രൻ എന്നിവർ ക്ലാസെടുക്കും. നാളെ വൈകിട്ട് 4ന് സർട്ടിഫിക്കറ്റ് വിതരണം വനിതാസംഘം യൂണിയൻ പ്രസിഡന്റ് ഐഷാ പുരുഷോത്തമൻ നിർവഹിക്കും. മോഹനൻ കൊഴുവല്ലൂർ സ്വാഗതവും ബി.ജയപ്രകാശ് തൊട്ടാവാടി നന്ദിയും പറയും.