പത്തനംതിട്ട : ജില്ലയിൽ ഇന്നലെ 542 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ 12 പേർ വിദേശത്ത് നിന്ന് വന്നവരും, ഒൻപതു പേർ മറ്റുസംസ്ഥാനങ്ങളിൽ നിന്ന് വന്നവരും 521 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 26 പേരുണ്ട്.
ജില്ലയിൽ ഇതുവരെ ആകെ 50538 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 45192 പേർ സമ്പർക്കം മൂലം രോഗം ബാധിച്ചവരാണ്.

നാലു മരണംകൂടി

ഇന്നലെ ജില്ലയിൽ കൊവിഡ് ബാധിതനായ നാലു പേരുടെ മരണം റിപ്പോർട്ട് ചെയ്തു.
1) പ്രമാടം സ്വദേശി (72) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.

2) പ്രമാടം സ്വദേശിനി (67) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞു.

3) കലഞ്ഞൂർ സ്വദേശിനി (75) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.

4) കോയിപ്രം സ്വദേശി (82) സ്വവസതിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.