കോന്നി: പി.എസ്.സിയെ നോക്കുകുത്തിയാക്കി നടത്തുന്ന പിൻവാതിൽ നിയമനത്തിൽ മനംനൊന്ത് സമരം നടത്തുന്ന യുവാക്കളുടെ കണ്ണീരിൽ ഇടതുപക്ഷ സർക്കാർ വെന്ത് വെണ്ണീറാകുമെന്ന് യൂത്ത് കോൺഗ്രസ് ജില്ലാ പ്രസിഡന്റ് എം.ജി കണ്ണൻ പറഞ്ഞു. യൂത്ത് കോൺഗ്രസ് കോന്നി നിയോജക മണ്ഡലം കമ്മിറ്റി നടത്തിയ യുവ രോഷം പരിപാടി ഉദ്ഘാടനം ചെയ്യുകയായിരുന്നു അദ്ദേഹം. നിയോജക മണ്ഡലം പ്രസിഡന്റ് ജോയൽ മാത്യു അദ്ധ്യക്ഷത വഹിച്ചു. ജില്ലാ പ്രസിഡന്റ് എം.ജി. കണ്ണൻ ഉദ്ഘാടനം ചെയ്തു. ഡി.സി.സി വൈസ് പ്രസിഡന്റ് റോബിൻ പീറ്റർ, യൂത്ത് കോൺഗ്രസ് ജില്ലാ ജനറൽ സെക്രട്ടറിമാരായ ജിതിൻ ജി.നൈനാൻ, ലക്ഷ്മി അശോക്, എൻ.എസ്.യു ദേശീയ കോഓർഡിനേറ്റർ തൗഫീഖ് രാജൻ, യൂത്ത് കോൺഗ്രസ് നിയോജക മണ്ഡലം വൈസ് പ്രസിഡന്റുമാരായ ശ്യാം. എസ്.നായർ, ജുബിൻ ചാക്കോ, ജനറൽ സെക്രട്ടറിമാരായ റല്ലു പി.രാജൻ, ഷിജു അറപ്പുരയിൽ, ജോമോൻ കെ.ജോസ്, രതീഷ് കണിയാംപറമ്പിൽ, പ്രദീപ് കുമാർ, രഞ്ജിത്ത് മാരൂർപാലം, ലിനു വർഗീസ്, മഹേഷ് കൃഷ്ണൻ, ജോബിൻ കിഴക്കേതിൽ, സുമിത്ത് ചിറയ്ക്കൽ, മാത്യു ഐസക്,എന്നിവർ പ്രസംഗിച്ചു. സമാപന സമ്മേളനം യൂത്ത് കോൺഗ്രസ് മുൻ സംസ്ഥാന സെക്രട്ടറിയും ജില്ലാ പഞ്ചായത്ത് അംഗവുമായ വി.ടി അജോമോൻ ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡന്റ് റോജി ഏബ്രഹാം, അബ്ദുൾ മുത്തലീഫ്, ശാന്തിജൻ ചൂരക്കോട്, പ്രവീൺ പ്ലാവിളയിൽ, ഷിനു അറപ്പുരയിൽ, ശ്യാം. എസ്. കോന്നി, റോബിൻ മോൻസി, മോനിഷ് മുട്ടുമണ്ണിൽ, ഐവാൻ വകയാർ,ഫൈസൽ കോന്നി, റ്റി.ജി. നിഥിൻ, ജിബിൻ വർഗീസ്, അഖിൽ ഉദയൻ, നിബു ജോസഫ്, രജ്ഞു.ആർ, അജീഷ് ചായലോട്, ജയദേവ് വിക്രം, ആരോമൽ എന്നിയവർ പ്രസംഗിച്ചു.