പത്തനംതിട്ട: മുൻമന്ത്രി ടി.കെ ദിവാകരന്റെ ജന്മശതാബ്ദി ആഘോഷങ്ങളുടെ ജില്ലാതല ഉദ്ഘാടനം ആർ.എസ്.പി സംസ്ഥാന സെക്രട്ടറി എ.എ അസീസ് ഉദ്ഘാടനം ചെയ്തു. സംസ്ഥാന സെക്രട്ടേറിയറ്റ് അംഗം അഡ്വ.ടി ജി പ്രസന്നകുമാർ അദ്ധ്യക്ഷത വഹിച്ചു. യു.ടി.യു.സി സംസ്ഥാന സെക്രട്ടറി തോമസ് ജോസഫ്, ആർ.എസ്.പി സംസ്ഥാനകമ്മിറ്റി അംഗങ്ങളായ കലാനിലയം രാമചന്ദ്രൻ നായർ, ആർ.എം ഭട്ടതിരി, ടി.എം സുനിൽ കുമാർ, ജില്ലാ സെക്രട്ടറി അഡ്വ.ജോർജ് വർഗീസ്, നിയോജക മണ്ഡലം സെക്രട്ടറിമാരായ സജി നെല്ലവേലി, പൊടിമോൻ കെ.മാത്യു, ജോൺസ് യോഹന്നാൻ, മധുസൂദനൻ പിള്ള, പ്രൊഫ.ബാബു ചാക്കോ എന്നിവർ പ്രസംഗിച്ചു.