ചെങ്ങന്നൂർ:മാന്നാർ 141ാം പുത്തൻകോട്ടയ്ക്കകം ചെറുകോൽ ശാഖായോഗത്തിലെ 21ാമത് ശ്രീനാരായണ ഗുരുദേവ പ്രതിഷ്ഠാ വാർഷികാഘോഷം യൂണിയൻ കൺവീനർ ജയലാൽ എസ്.പടിത്തറ ഉദ്ഘാടനം ചെയ്തു. രാവിലെ 8ന് ഗുരുക്ഷേത്രാങ്കണത്തിൽ പ്രത്യേക ഗുരുപൂജ, സമൂഹപ്രാർത്ഥന എന്നിവയ്ക്ക് ശേഷം ശാഖായോഗം പ്രസിഡന്റ് കെഗോപാലൻ പീത പതാക ഉയർത്തി. അഡ്മിനിസ്‌ട്രേറ്റീവ് കമ്മിറ്റി അംഗം ദയകുമാർ ചെന്നിത്തല മുഖ്യ സന്ദേശം നൽകി. വനിതാ സംഘം യൂണിയൻ കമ്മിറ്റി അംഗം പ്രവദ രാജപ്പൻ, ശാഖായോഗം സെക്രട്ടറി സുരേഷ് തട്ടാരേത്ത്,കമ്മിറ്റി അംഗം രാജപ്പൻ എന്നിവർ സംസാരിച്ചു. തുടർന്ന് ഗുരു ഭാഗവത പാരായണം, കലശപൂജ, ഭഗവതി സേവ, സഹസ്രനാമാർച്ചന, ദീപാരാധന എന്നിവ നടന്നു. 17ന് മഹാഗണപതി ഹോമം, മഹാ ഗുരുപൂജ, ശിവപൂജ, മഹാകലശാഭിഷേകം, കാവിൽ നുറുംപാലും, പുള്ളുവൻ പാട്ട്, മഹാ ദീപാരാധന, പാദ കാണിക്ക സമർപ്പണം എന്നിവയോടെ പ്രതിഷ്ഠ വാർഷികാഘോഷ പരിപാടികൾ സമാപിക്കും.