പത്തനംതിട്ട : ജില്ലയിൽ ഇന്നലെ 546 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ 12 പേർ വിദേശത്ത് നിന്ന് വന്നവരും, നാലു പേർ മറ്റു സംസ്ഥാനങ്ങളിൽ നിന്ന് വന്നതും, 530 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 28 പേരുണ്ട്.

ജില്ലയിൽ ഇതുവരെ ആകെ 52662 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 47252 പേർ സമ്പർക്കം മൂലം രോഗികളായവരാണ്. ജില്ലയിൽ ഇന്നലെ 861 പേർ രോഗമുക്തരായി. ആകെ രോഗമുക്തരായവരുടെ എണ്ണം 46413 ആണ്.

മൂന്ന് മരണംകൂടി

ഇന്നലെ ജില്ലയിൽ കൊവിഡ് ബാധിതരായ മൂന്നു പേരുടെ മരണം റിപ്പോർട്ട് ചെയ്തു.
1) പന്തളം സ്വദേശിനി (78) കോഴഞ്ചേരി ജില്ലാ ആശുപത്രിയിൽ മരണമടഞ്ഞു.
2) ഏഴംകുളം സ്വദേശി (57) കോട്ടയം മെഡിക്കൽ കോളജിൽ മരിച്ചു.
3) അരുവാപ്പുലം സ്വദേശി (73) കോഴഞ്ചേരി ജില്ലാ ആശുപത്രിയിൽ മരണമടഞ്ഞു.