പത്തനംതിട്ട : ജില്ലയിൽ ഇന്നലെ 97 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ രണ്ടു പേർ വിദേശത്ത് നിന്ന് വന്നവരും, ഒരാൾ മറ്റ് സംസ്ഥാനങ്ങളിൽ നിന്ന് വന്നതും 94 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്ക പശ്ചാത്തലം വ്യക്തമല്ലാത്ത ഏഴു പേരുണ്ട്.

ജില്ലയിൽ ഇതുവരെ ആകെ 54369 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 48871 പേർ സമ്പർക്കം മൂലം രോഗം ബാധിച്ചവരാണ്. ജില്ലയിൽ ഇന്നലെ 582 പേർ രോഗമുക്തരായി. ആകെ രോഗമുക്തരായവരുടെ എണ്ണം 48925 ആണ്.

മൂന്നു മരണംകൂടി
1). രോഗബാധ സ്ഥിരീകരിച്ച തിരുവല്ല സ്വദേശി (85) കോഴഞ്ചേരി ജില്ലാ ആശുപത്രിയിൽ മരിച്ചു.
2). കല്ലൂപ്പാറ സ്വദേശിനി (58) കോട്ടയം മെഡിക്കൽ കോളേജിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരുച്ചു. സ്രവ പരിശോധനയിൽ രോഗബാധ സ്ഥിരീകരിച്ചു.
3). രോഗബാധ സ്ഥിരീകരിച്ച ചിറ്റാർ സ്വദേശി (55) കോട്ടയത്തെ സ്വകാര്യ ആശുപത്രിയിൽ മരിച്ചു.