വളളിക്കോട് : അടിസ്ഥാന സൗകര്യ വികസനത്തിനും ഭവന നിർമാണത്തിനും കൃഷിക്കും പ്രാധാന്യം നൽകി വള്ളിക്കോട് ഗ്രാമ പഞ്ചായത്ത് ബഡ്ജറ്റ്. വൈസ് പ്രസിഡന്റ് സോജി പി. ജോൺ ബഡ്ജറ്റ് അവതരിപ്പിച്ചു. പഞ്ചായത്ത് പ്രസിഡന്റ് ആർ.മോഹനൻ നായർ അദ്ധ്യക്ഷത വഹിച്ചു. 19 കോടി രൂപ വരവും 18.43 കോടി രൂപ ചെലവും 57 ലക്ഷം രൂപ മിച്ചവും പ്രതീക്ഷിക്കുന്ന ബഡ്ജറ്റിൽ അടിസ്ഥാന സൗകര്യ വികസനങ്ങൾക്കായി 2.44 കോടി രൂപയ ഭവന നിർമാണ പുനരുദ്ധാരണ പ്രവർത്തനങ്ങൾക്ക് 2.75 കോടി രൂപയും കാർഷിക മേഖലയ്ക്ക് 58 ലക്ഷം രൂപയ കൊവിഡ് പ്രതിരോധ പ്രവർത്തനങ്ങൾ ഉൾപ്പെടെയുളള ആരോഗ്യ മേഖലയിലെ പ്രവർത്തനങ്ങൾക്ക് 43 ലക്ഷം രൂപയ വകയിരുത്തി. മാലിന്യ സംസ്‌കരണ പദ്ധതികൾക്കായി 40 ലക്ഷം രൂപയും മൃഗസംരക്ഷണ മേഖലയിലെ പ്രവർത്തനങ്ങൾക്ക് 30 ലക്ഷം രൂപയും കായിക വിനോദ മേഖലയ്ക്ക് 15 ലക്ഷം രൂപയും വനിതാ ക്ഷേമപദ്ധതികൾക്കായി 20 ലക്ഷം രൂപയും അനുവദിച്ചു. പഞ്ചായത്തിലെ എം.എൻ ലക്ഷം വീടുകൾ ഒറ്റ വീടുകളാക്കുന്നതിന് ബഡ്ജറ്റിൽ തുക മാറ്റിവച്ചു.