മലയാലപ്പുഴ: ദേവീസ്തുതികളും വായ്ക്കുരവകളും വാദ്യമേളങ്ങളും നിറഞ്ഞുനിന്ന അന്തരീക്ഷത്തിൽ മലയാലപ്പുഴ ദേവീക്ഷേത്രത്തിൽ ഉത്സവത്തിന് കൊടിയേറി. രാത്രി 7.10 നും 7.30 നും മധ്യേ തന്ത്രി അടിമുറ്റത്ത് മഠം പരമേശ്വരഭട്ടതിരിപ്പാട് മുഖ്യകാർമ്മികനായിരുന്നു. മേൽശാന്തി അനിൽ നമ്പൂതിരി സഹകാർമ്മികത്വം വഹിച്ചു. അറുകാലിൽ സച്ചിദാനന്ദനും സംഘവുമവതരിപ്പിച്ച പഞ്ചവാദ്യവും അരങ്ങേറി.രാവിലെ 9 ന് പൊങ്കാലയ്ക്ക് തന്ത്രി പണ്ടാര അടുപ്പിലേക്ക് അഗ്‌നി പകർന്നു. 10ന് പൊങ്കാല സമർപ്പണം നടന്നു.