കൊ​ല്ലം: ജ​ന്മ​നാ ഇ​രു​കാ​ലു​ക​ളു​മി​ല്ലാ​ത്ത ക്രിസ്റ്റഫറിന്റെ ചികിത്സാ സഹായത്തിനായുള്ള അപേക്ഷയിൽ മുഖ്യമന്ത്രിയുടെ സാന്ത്വന സ്പർശം പരിഹാര പരാതി അദാലത്തിൽ ഉടനടി പരിഹാരം. ക്രിസ്റ്രഫറിന്റെ ദുരിതം കേട്ട മന്ത്രി കടകംപള്ളി സുരേന്ദ്രൻ ഉടൻ തന്നെ മുഖ്യമന്ത്രി​യു​ടെ ദു​രി​താ​ശ്വാ​സ നി​ധി​യിൽ നി​ന്ന് 25,000 രൂ​പ​യു​ടെ ധനസഹായം അ​നു​വ​ദിക്കുകയായിരുന്നു.

മൈലക്കാട് സ്വദേശിയായ ക്രിസ്റ്റഫറിന് കാ​ലു​ക​ൾ ഇ​ല്ലാ​ത്ത​തി​നാൽ ജോ​ലി​ക്ക് പോകാൻ കഴിയില്ല. സ​ഹോ​ദ​ര​ങ്ങ​ളു​ടെ​യും അ​ടു​ത്ത ബന്ധുക്കളു​ടെ​യും സ​ഹാ​യ​ത്തോ​ടെയാണ് ജീ​വി​തം മു​ന്നോ​ട്ട് നയിക്കുന്നത്. എഴുപതുകാരനായ ക്രിസ്റ്രഫർ ചികി​ത്സാ ധ​ന​സ​ഹാ​യ​ത്തി​നാ​യി ഇതിനോടകം മു​ട്ടാ​ത്ത വാ​തി​ലു​ക​ളി​ല്ല.

പ്രതീക്ഷകൾ നഷ്ടമായി ദുരിതജീവിതം തള്ളിനീക്കുമ്പോഴാണ് മുഖ്യമന്ത്രിയുടെ സ്നേഹ സ്പർശം അദാലത്തിനെക്കുറിച്ച് ക്രിസ്റ്രഫർ കേൾക്കുന്നത്. തുടർന്ന് തന്റെ ശാരീരിക അവശതകൾ പോലും വകവയ്ക്കാതെ കൊല്ലം എസ്.എൻ കോളേജിൽ നടന്ന അദാലത്തിൽ അ​പേ​ക്ഷ​യു​മാ​യി എ​ത്തുകയായിരുന്നു.