കൊ​ല്ലം: കൃ​ത്രി​മ കാ​ലു​ക​ളു​ടെ സ​ഹാ​യ​ത്താൽ ജീ​വി​തം മു​ന്നോ​ട്ടു ന​യി​ക്കു​ന്ന കൊ​ല്ലം കൂ​ട്ടി​ക്ക​ട സ്വ​ദേ​ശി ഷാ​നി​ന്റെ അടച്ചുറപ്പുള്ള സ്വന്തം വീ​ടെ​ന്ന സ്വപ്നം യാഥാർത്ഥ്യമാകുന്നു. കൊ​ല്ലം എ​സ്.എൻ കോ​ളേ​ജിൽ ന​ട​ന്ന മു​ഖ്യ​മ​ന്ത്രി​യു​ടെ 'സാ​ന്ത്വ​ന സ്പർ​ശം' പ​രാ​തി പരിഹാര അ​ദാ​ല​ത്തിലാണ് യുവാവിന്റെ ഏറെനാളായുള്ള ആഗ്രഹം പൂവണിഞ്ഞത്.

സ്വ​ന്ത​മാ​യി വീ​ടും ജോ​ലി​യു​മെ​ന്ന അ​പേ​ക്ഷ​ക​ളു​മാ​യി എ​ത്തി​യ ഷാ​നി​നെ മ​ന്ത്രി ക​ട​കം​പ​ള്ളി സു​രേ​ന്ദ്രൻ അ​ടു​ത്ത് വി​ളി​ച്ചി​രു​ത്തി വിവരങ്ങൾ തിരക്കി. ജോ​ലി നൽ​കു​ന്ന​തി​ന് ക​ട​മ്പ​ക​ളേ​റെ​യുണ്ടെന്നും എ​ന്നാൽ സ​ഹ​ക​ര​ണ വ​കു​പ്പി​ന്റെ കെ​യർ ഹോം പദ്ധതിയിൽ ഉൾപ്പെ​ടു​ത്തി വീ​ട് നൽ​കാ​മെ​ന്നും മ​ന്ത്രി ഉ​റ​പ്പുനൽ​കി. ജോലിയുടെ കാര്യം അ​ടു​ത്ത കാബി​ന​റ്റിൽ ചർ​ച്ച​യ്​ക്ക് വ​യ്​ക്കാ​മെ​ന്നും മ​ന്ത്രി പ​റ​ഞ്ഞു.

ആ​റ് വർ​ഷ​ങ്ങൾ​ക്ക് മുൻ​പ് കൊ​ല്ല​ത്ത് വ​ച്ചു​ണ്ടാ​യ ട്രെ​യിൻ അ​പ​ക​ട​ത്തി​ലാ​ണ് ഷാ​ന് ഇ​രു​കാ​ലു​ക​ളും ന​ഷ്​ട​മാ​യ​ത്. ഷാ​ന് ല​ഭി​ക്കു​ന്ന വി​ക​ലാം​ഗ പെൻ​ഷ​നും ഉ​മ്മ​യ്​ക്ക് ലഭിക്കുന്ന വാർദ്ധ​ക്യ ​പെൻ​ഷ​നും ഉ​പ​യോ​ഗി​ച്ചാ​ണ് രണ്ടുപേരടങ്ങുന്ന ഇവരുടെ കുടുംബം ജീവിതം തള്ളിനീക്കുന്നത്. 28 വ​യ​സു​ള്ള ഷാൻ ബി.ബി.എ ബി​രു​ദ​ധാ​രി​യാ​ണ്.