കൊല്ലം: ആശ്രാമത്തെ കെ.ടി.ഡി.സിയുടെ ടാമറിന്റ് ഈസി ഹോട്ടൽ ആധുനിക രീതിയിൽ പുനരുദ്ധരിച്ച് ബഡ്ജറ്റ് ഹോട്ടലാക്കുന്നതിന്റെ പ്രവർത്തനോദ്ഘാടനം കെ.ടി.ഡി.സി ചെയർമാൻ എം. വിജയകുമാർ നിർവഹിച്ചു.

ആധുനിക രീതിയിൽ സജ്ജീകരിച്ച 24 മുറികൾ,​ മൾട്ടികുസിൻ റെസ്റ്റോറന്റ്,​ വിശാലമായ പുൽത്തകിടി,​ കോൺഫറൻസ് ഹാൾ എന്നിവ ഉൾപ്പെടുന്ന നവീകരണമാണ് പുനരുദ്ധാരണ പദ്ധതിയിൽ ഉൾപ്പെടുത്തിയിട്ടുള്ളത്. 'അക്വാലാൻഡ്' എന്ന പേരിൽ ബ്രാൻഡ് ചെയ്താണ് പ്രവർത്തനമാരംഭിക്കുന്നത്. 2.9 കോടി രൂപയുടെ സർക്കാർ സഹായം ഉൾപ്പെടെ 5 കോടി രൂപ ചെലവിലാണ് പദ്ധതി നടപ്പിലാക്കുന്നത്.

മേയർ പ്രസന്ന ഏണസ്റ്റ്,​ ടൂറിസം സെക്രട്ടറി റാണി ജോർജ്ജ്,​ ഡയറക്ടർ ബാലകിരൺ,​ കെ.ടി.ഡി.സി എം.ഡി കൃഷ്ണ തേജാമൈലവാരപ്പൂ,​ മുൻ മേയർ ഹണി ബെഞ്ചമിൻ,​ കെ.ടി.ഡി.സി ബോർഡ് ഡയറക്ടർ കെ.പി. കൃഷ്ണകുമാർ തുടങ്ങിയവർ പങ്കെടുത്തു.