കൊ​ല്ലം: കൈകളില്ലെന്ന പോരായ്മയെ അതിജീവിച്ച് കാൽവിരലുകൾ കൊണ്ട് കാൻവാസിൽ വിസ്മയം തീർക്കുന്ന യുവാവിന് ക​രു​തൽ കരങ്ങളേകി സർ​ക്കാർ. സ്പെഷ്യലിസ്റ്റ് ഡ്രോയിംഗിൽ താത്കാലിക അദ്ധ്യാപകനായ പട്ടാഴി പന്ത്രണ്ടുമുറി സ്വദേശി സജയകുമാർ (34) ഏറെ നാളായുള്ള തന്റെ സ്വപ്നം യാഥാർത്ഥ്യമാകുമെന്ന പ്രതീക്ഷയോടെയാണ് ഇന്നലെ 'സ്നേഹ സ്പർശം' പരാതി പരിഹാര അദാലത്തിൽ പങ്കെടുത്ത് മടങ്ങിയത്.

ജന്മനാ ഇരുകൈകളുമില്ലാത്ത സജയകുമാർ ഫൈൻ ആർ​ട്‌​സിൽ ബി​രു​ദാ​ന​ന്ത​ര ബി​രു​ദ​ധാ​രി​യാ​ണ്. സം​സ്ഥാ​ന സർ​ക്കാ​രി​ന്റെ അദ്ധ്യാ​പ​ക യോ​ഗ്യ​താ ടെ​സ്റ്റാ​യ കെ​ ടെ​റ്റ് ജേ​താ​വുമാണ്. കഴിഞ്ഞ അഞ്ച് വർഷമായി പ​ട്ടാ​ഴി ജി.വി.എ​ച്ച്.എ​സ്.എ​സ്, മോ​ഡൽ എൽ.പി.എ​സ്, പി​ട​വൂർ എൽ.പി.എ​സ് എ​ന്നി​വി​ട​ങ്ങ​ളിൽ ഒ​ന്ന് മു​തൽ എ​ട്ട് വരെ​യു​ള്ള ക്ലാ​സു​ക​ളിൽ സ്‌​പെ​ഷ്യ​ലി​സ്റ്റ് ഡ്രോ​യിംഗിൽ താത്കാലിക അ​ദ്ധ്യാ​പ​ക​നാ​യി ജോലി നോക്കുകയാണ്.

കൈകളില്ലെന്നത് പരിമിതിയായി കാണാത്ത സജയകുമാർ ഒരു സ്ഥിരം ജോലി വേണമെന്ന ആവശ്യവുമായാണ് പു​ന​ലൂർ ഗവ. ഹയർ സെക്കൻഡ​റി സ്കൂ​ളിൽ ന​ട​ന്ന മു​ഖ്യ​മ​ന്ത്രി​യു​ടെ പ​രാ​തി പ​രി​ഹാ​ര അ​ദാ​ല​ത്തി​ലേ​ക്ക് എത്തിയത്. വിവരങ്ങൾ ചോദിച്ചറിഞ്ഞ മന്ത്രി കടകംപള്ളി സുരേന്ദ്രന് മുന്നിൽ നിന്ന് കാൽവിരലുകൾ കൊണ്ട് അപേക്ഷയിൽ കൂട്ടിച്ചേർക്കലുകൾ വരുത്തിയ സജയകുമാർ കണ്ടുനിന്നവർക്കെല്ലാം പ്രചോദനമാകുകയും ചെയ്തു. മു​ഖ്യ​മ​ന്ത്രി​യു​ടെ പ്ര​ത്യേ​ക പ​രി​ഗ​ണ​ന​യ്ക്ക് അ​പേ​ക്ഷ ശു​പാർ​ശ ചെ​യ്യാ​മെ​ന്ന് മന്ത്രി ഉ​റ​പ്പു​നൽ​കിയതോടെ ജീവിതത്തിൽ പുതിയ വർണങ്ങൾ പടരുന്ന ആഹ്ളാദത്തോടെയാണ് സജയകുമാർ മടങ്ങിയത്.