തെ​ന്മ​ല : ജി​ല്ല​യിൽ കൊ​വി​ഡ് ക​ണ​ക്കു​കൾ നാൾ​ക്കു​നാൾ കു​തി​ച്ചു​യർ​ന്നി​ട്ടും നി​ര​ത്തിൽ ജ​ന​ങ്ങ​ളു​ടെ തി​ക്കും തി​ര​ക്കും മാ​ത്രം. മാസ്ക് ധരിക്കുന്നത് മാത്രമാണ് പലർക്കും നിയന്ത്രണം. ഇ​തി​നി​ട​യിൽ സാ​മൂ​ഹി​ക അ​ക​ലം പ​ഴങ്കഥ ആ​വു​ക​യാ​ണ്. ബ​സു​ക​ളിൽ പോ​ലും സൂ​ചി കു​ത്താൻ ഇ​ട​മി​ല്ലാ​ത്ത അ​വ​സ്ഥ​യും. സ്​കൂ​ളു​ക​ളിൽ നി​യ​ന്ത്ര​ണ​ങ്ങൾ കർ​ശ​ന​മാ​ണെ​ങ്കി​ലും സ്​കൂൾ വി​ട്ടാൽ കു​ട്ടി​കൾ നി​യ​ന്ത്രണ​ങ്ങൾ കാ​റ്റിൽ പ​റ​ത്തു​ന്ന കാ​ഴ്​ച​യാ​ണ് കാ​ണാ​നാ​വു​ക.

മാ​ന​ദ​ണ്ഡ​ങ്ങൾ ച​വ​റ്റു​കൂ​ന​യി​ൽ

വ്യാ​പാ​ര സ്ഥാ​പ​ന​ങ്ങ​ളി​ലെ സ്ഥി​തി​യും വ്യ​ത്യ​സ്​ത​മ​ല്ല. പ​ല സ്ഥാ​പ​ന​ങ്ങ​ളി​ലും കൊ​വി​ഡ് മാ​ന​ദ​ണ്ഡ​ങ്ങൾ ഇ​പ്പോൾ ച​വ​റ്റു​കൂ​ന​യി​ലാ​ണ്. മി​ക്ക ക​ട​ക​ളു​ടെ​യും മുൻ​പിൽ സ്ഥാ​പി​ച്ചി​ട്ടു​ള്ള സാ​നി​റ്റൈ​സർ കാ​ലി​യാ​യി​ട്ട് മാ​സ​ങ്ങൾ പി​ന്നി​ട്ടി​ട്ടു​ണ്ടാ​കും. മാ​ത്ര​മ​ല്ല ഇ​വി​ട​ങ്ങ​ളി​ലെ സാ​മൂ​ഹി​ക അ​ക​ലം ക​ണ്ട​റി​യു​ക ​ത​ന്നെ വേ​ണം.

ഈ മാസം ആ​ദ്യ​ത്തെ6 ദി​വ​സ​ങ്ങ​ളിൽ ത​ന്നെ കൊ​ല്ലം ജി​ല്ല​യിൽ 3097 കൊവിഡ് കേ​സു​ക​ളാ​ണ് റി​പ്പോർ​ട്ട്​ ചെ​യ്​ത​ത്. ചൊ​വ്വ, ബു​ധൻ, വ്യാ​ഴം ദി​വ​സ​ങ്ങ​ളിൽ കൊ​വി​ഡ് കേ​സു​കൾ അ​ഞ്ഞൂ​റി​ന് മു​ക​ളി​ലെ​ത്തി.

ക​ഴി​ഞ്ഞ കു​റ​ച്ചു ദി​വ​സ​ങ്ങ​ളിൽ ജി​ല്ല​യിൽ ന​ട​ന്ന രാ​ഷ്ട്രീ​യ സ​മ​ര​ങ്ങ​ളി​ലും ധർ​ണ​ക​ളി​ലും മ​റ്റും നൂ​റു​ക​ണ​ക്കി​ന് ആ​ളു​ക​ളാ​ണ് പ​ങ്കെ​ടു​ത്ത്. ഈവിധം ജനങ്ങൾ തിരക്ക് കൂട്ടുമ്പോൾ നിയന്ത്രണങ്ങൾ കർശനമാക്കുന്നില്ലെന്നാണ് ആക്ഷേപം.