കുണ്ടറ: കവി പാടിയതും പതിരാക്കി കണിക്കൊന്ന മകരമാസത്തിലും പൂത്തുലഞ്ഞു. കുണ്ടറ കുരിപ്പള്ളി മൊയ്ദീൻ ജംഗ്‌ഷന്‌ സമീപം കുന്നുവിള വീട്ടിൽ സജീന്ദ്രന്റെ വിട്ടുമുറ്റത്തെ കണിക്കൊന്ന ഒന്നും രണ്ടുമല്ല,​ ഇത് ആറാം വർഷമാണ് മകരത്തിൽ പൂക്കുന്നത്.

ഇത്തവണ ഒരില പോലും കാണാനാകാതെ പൂക്കൾ കൊണ്ട് നിറഞ്ഞത് നാടിനും കൗതുക കാഴ്ചയായി. കുണ്ടറ - കൊട്ടിയം റോഡ് വശത്താണ് ദൃശ്യവിരുന്ന്. കൊന്നപ്പൂവിന്റെ ഫോട്ടോയെടുക്കാനും വീഡിയോ പകർത്താനും ദിവസവും നിരവധി പേരാണ് എത്തുന്നത്. കൊന്നമരത്തിന് പന്ത്രണ്ട് വഷത്തോളം പ്രായമുണ്ടെന്ന് വീട്ടുകാർ പറയുന്നു.

സാധാരണ മാർച്ച് - ഏപ്രിൽ മാസങ്ങളിലാണ് കണിക്കൊന്നകൾ പൂക്കുന്നത്. എന്നാൽ ഈ കൊന്നമരം ജനുവരിയിൽ പൂത്ത് മാർച്ച്‌ - ഏപ്രിൽ മാസമാകുമ്പോൾ പൂക്കൾ കൊഴിച്ച് ഇലകൾ കൊണ്ട് നിറയും.

 പൂക്കാതിരിക്കാനാവില്ല!

മ​ണ്ണി​ലെ ജ​ലാം​ശം പ​രി​ധി​വി​ട്ട് കു​റ​യു​മ്പോ​ഴൊ​ക്കെ ക​ണി​ക്കൊ​ന്ന​കൾ പൂ​ക്കു​മെ​ന്ന് പഠ​ന​ങ്ങൾ വ്യ​ക്ത​മാ​ക്കു​ന്നു. സ​സ്യ​ങ്ങൾ പൂ​വി​ടു​ന്ന​ത് നി​യ​ന്ത്രി​ക്കു​ന്ന​ത് ഫ്‌​ളോ​റി​ജൻ എ​ന്ന സ​സ്യ ഹോർ​മോ​ണാ​ണ്. ചൂ​ട് കൂ​ടു​മ്പോൾ ഫ്‌​ളോ​റി​ജ​ന്റെ ഉ​ത്​പാ​ദ​നം വർദ്ധിക്കുന്നതാ​ണ് ഇ​ത്ത​രം പ്ര​തി​ഭാ​സ​ത്തി​ന് കാ​ര​ണം. ചി​ല​പ്പോൾ വർ​ഷ​ത്തിൽ മി​ക്ക മാ​സ​ങ്ങ​ളി​ലും ചില കൊ​ന്നകൾ പൂ​ക്കാ​റു​ണ്ട്.

''

വിഷു വരുമ്പോൾ കണിവയ്ക്കാൻ ഒരുതരി പൂവ് പോലും ഇതുവരെ ലഭിച്ചിട്ടില്ല.

സജീന്ദ്രൻ