തൊ​ടി​യൂർ: ഒ​രു പ്ര​ദേ​ശ​ത്തെ സാ​ധാ​ര​ണ​ക്കാ​രാ​യ ജ​ന​ങ്ങൾ ത​ല​മു​റ​ക​ളാ​യി കു​ളി​യും അ​ല​ക്കു​മൊ​ക്കെ ന​ട​ത്തി​വ​ന്ന ഒ​രു പൊ​തു​ക്കു​ളം ന​ശി​ക്കു​ന്നു. തൊ​ടി​യൂർ ഗ്രാ​മ​പ​ഞ്ചാ​യ​ത്ത് 23​-ാം വാർ​ഡിലുള്ള ഈ കു​ള​ത്തി​ന്റെ പേ​രി​ലാ​ണ് പു​ത്തൻ​കു​ള​ങ്ങ​ര എ​ന്ന സ്ഥ​ലം​ത​ന്നെ​ അ​റി​യ​പ്പെ​ടു​ന്ന​ത്. ചൂ​ളൂർ​മു​ക്ക് ​ റെ​യിൽ​വേ സ്റ്റേ​ഷൻ റോ​ഡി​ന് മ​ദ്ധ്യ​ഭാ​ഗ​ത്താ​ണ് പു​ത്തൻ​കു​ള​വും പു​ത്തൻ​കു​ള​ങ്ങ​ര ജം​ഗ്​ഷഷ​നും.

കു​ളം ശു​ദ്ധി​ക​രി​ക്കണം

തൊ​ടി​യൂർ ഗ്രാ​മ​പ​ഞ്ചാ​യ​ത്തി​ന്റെ അ​ധീ​ന​ത​യി​ലു​ള്ള ഈ കു​ള​ത്തിൽ മുമ്പ് പു​ഴ​മ​ത്സ്യ​ക്കൃഷിയുണ്ടായിരുന്നു.അടുത്തകാലത്ത് വരെ മീനിനെ പ​ഞ്ചാ​യ​ത്ത് ലേ​ലം ചെ​യ്ത് വി​റ്റി​ രു ന്നു. പിന്നീട് കുളം ഉപയോഗശൂന്യമായി. ഇ​ട​യ്​ക്ക് മാ​ലി​ന്യം തള്ളാനും തുടങ്ങി. എ​ന്നാൽ മാ​ലി​ന്യം തള്ളുന്നതിനെതിരെ നാ​ട്ടു​കാർ സംഘടിച്ചതിനാൽ അ​ത് തു​ടർ​ന്നി​ല്ല. തള്ളിയ മാ​ലി​ന്യം കു​ടും​ബ​ശ്രീ പ്ര​വർ​ത്ത​ക​രും നാ​ട്ടു​കാ​രും ചേർ​ന്ന് നീ​ക്കു​ക​യും ചെ​യ്​തു. കു​ള​ത്തി​നോ​ട് ചേർ​ന്ന് കി​ട​ക്കു​ന്ന റോ​ഡി​ന്റെ വ​ശ​ത്ത് പൂ​ച്ചെ​ടി​കൾ നാ​ട്ടു വ​ളർ​ത്താൻ ശ്ര​മി​ച്ചെ​ങ്കി​ലും വി​ജ​യി​ച്ചി​ല്ല. ഇ​പ്പോൾ കു​ള​ത്തി​ന് ചു​റ്റു കാ​ടു​പി​ടി​ച്ച് കി​ട​ക്കു​ന്നു. ജ​ലം മ​ലി​ന​മാ​ണ്. ഈ കു​ളം ശു​ദ്ധി​ക​രി​ക്കണമെന്ന് നാ​ട്ടു​കാർ ആ​വ​ശ്യ​പ്പെ​ട്ടു.