കു​ണ്ട​റ: മു​ള​വ​ന​യിൽ രണ്ട് സ്ത്രീകളുൾപ്പെടെ പ​തിന്നാ​ലു​പേർ​ക്ക് തെരുവുനായയുടെ കടിയേറ്റു. പ​ള്ളി​മു​ക്ക്, ചൊ​ക്കം​കു​ഴി, പ​ള്ളി​യ​റ, ഇടമല ഭാ​ഗ​ങ്ങ​ളി​ലാ​ണ് വഴിയാത്രക്കാർക്ക് നേരെ തെരുവു​നാ​യയുടെ ആക്രമണമുണ്ടായത്. നി​ര​വ​ധി വ​ളർ​ത്തു​മൃ​ഗ​ങ്ങൾ​ക്കും ക​ടി​യേ​റ്റി​ട്ടു​ണ്ട്.

ബു​ധ​നാ​ഴ്​ച വൈ​കി​ട്ടും വ്യാ​ഴാ​ഴ്​ച​യു​മായിരുന്നു തെരുവുനായയുടെ ആക്രമണം. പേരയം സർവീസ് സഹകരണ ബാങ്ക് പ്രസിഡന്റ് ആർ. അ​ജി​ത്​കു​മാർ, മോഹനൻപി​ള്ള, ഇ​ട​മ​ല സ്വ​ദേ​ശി പൊ​ടി​യൻ, ശ​ശി, ഉ​ദ​യൻ, കോ​ട്ട​പ്പു​റം സ്വ​ദേ​ശി രാ​കേ​ഷ്, രാ​കേ​ഷി​ന്റെ അ​മ്മ മ​റി​യ​ക്കു​ട്ടി എന്നിവർക്കും മറ്റ് രണ്ടുപേർക്കുമാണ് നായയുടെ കടിയേറ്റത്. സ്കൂട്ടർ യാത്രയ്ക്കിടെയാണ് അ​ജി​ത്​കു​മാ​റി​ന് ക​ടി​യേ​റ്റ​ത്.

പരിക്കേറ്റവർ താ​ലൂ​ക്ക് ആ​ശു​പ​ത്രി​യി​ലും ജി​ല്ലാ ആ​ശു​പ​ത്രി​യി​ലും ചി​കി​ത്സ​തേ​ടി. പ്രദേശങ്ങളിൽ കുന്നുകൂടുന്ന അ​റ​വു​മാ​ലി​ന്യ​മാണ് തെരുവുനായ ശ​ല്യം രൂക്ഷമാകാൻ കാരണമെന്ന് നാട്ടുകാർ പറഞ്ഞു.