കൊല്ലം: തിരുവനന്തപുരത്ത് കടലാമ ചത്തുപൊങ്ങിയതിന് പിന്നാലെ കൊല്ലം തീരത്തും സമാനസംഭവം. ഇന്നലെ ഉച്ചയ്ക്ക് ഒന്നോടെയാണ് കൊല്ലം ബീച്ചിന് സമീപം ലൈഫ് ഗാർഡ് ടവറിന് സമീപം കടലാമ കരയ്ക്കടിഞ്ഞത്.

കഴിഞ്ഞ ദിവസം തിരുവനന്തപുരത്തെ ടൈറ്റാനിയത്തിൽ നിന്ന് ഫർണസ് ഓയിൽ ചോർന്ന് കടലിൽ ഒഴുകി പരന്നതിനെ തുടർന്നാണ് കടലാമകൾ ചത്തുപൊങ്ങിയതെന്നാണ് നിഗമനം.

ലൈഫ് ഗാർഡുകൾ വനം വകുപ്പിനെ വിവരം അറിയിച്ചു. ആറ് കിലോയ്ക്ക് മുകളിൽ തൂക്കം തോന്നിക്കും. പ്രായപൂർത്തിയായ ആമയ്ക്ക് ഇരുപത് കിലോയ്ക്ക് മുകളിൽ തൂക്കം വരും. അഞ്ചൽ ഫോറസ്റ്റ് ഓഫീസ് ഉദ്യോഗസ്ഥരെത്തി മേൽ നടപടി സ്വീകരിച്ചു.