ചാത്തന്നൂർ: എസ്.എൻ.ഡി.പി യോഗം ചാത്തന്നൂർ യൂണിയന്റെയും എറണാകുളം മുക്തി ഭവൻ കൗൺസിലിംഗ് സെന്ററിന്റെയും ആഭിമുഖ്യത്തിൽ സംഘടിപ്പിച്ച വിവാഹപൂർവ കൗൺസലിംഗ് ക്ലാസ് പ്രസിഡന്റ് ബി.ബി. ഗോപകുമാർ ഉദ്ഘാടനം ചെയ്തു. യൂണിയൻ ഹാളിൽ നടന്ന ചടങ്ങിൽ വൈസ് പ്രസിഡന്റ് ഡി. സജീവ് അദ്ധ്യക്ഷത വഹിച്ചു. സെക്രട്ടറി കെ. വിജയകുമാർ സ്വാഗതം പറഞ്ഞു. യൂണിയൻ കൗൺസിൽ അംഗങ്ങളായ കെ. നടരാജൻ, വി. പ്രശാന്ത്, ആർ. ഗാന്ധി, പി.ആർ. സജീവ്, ആർ. അനിൽകുമാർ, കെ. ചിത്രാംഗതൻ, വനിതാസംഘം സെക്രട്ടറി ബീനാ പ്രശാന്ത് തുടങ്ങിയവർ പങ്കെടുത്തു. ഡോ. ശരത്ചന്ദ്രൻ ക്ലാസ് നയിച്ചു.