മ​ധു​ര റെ​യിൽ​വേ ഡി​വി​ഷ​ണൽ മാ​നേ​ജർ ഉറപ്പുനൽകി

കൊല്ലം: ച​രി​ത്ര സ്​മാ​ര​ക​മാ​യ 13 ക​ണ്ണ​റ പാ​ല​ത്തിൽ വി​നോ​ദ സ​ഞ്ചാ​രി​കൾ​ക്ക് വി​ല​ക്കേർ​പ്പെ​ടു​ത്തു​ന്നത് നിറുത്തുമെന്ന് മ​ധു​ര റെ​യിൽ​വേ ഡി​വി​ഷ​ണൽ മാ​നേ​ജർ അ​റി​യി​ച്ച​താ​യി എൻ.​കെ. പ്രേ​മ​ച​ന്ദ്രൻ എം.​പി പ​റ​ഞ്ഞു. ചെ​ന്നൈ​യിൽ ദ​ക്ഷി​ണ റെയിൽ​വേ ആ​സ്ഥാ​ന​ത്തു ന​ട​ന്ന പ്ര​ത്യേക യോ​ഗ​ത്തിൽ 13 ക​ണ്ണ​റ പാ​ലം സൗന്ദര്യവത്കരിക്കണമെന്ന നിർ​ദ്ദേ​ശം സമർപ്പിച്ചതിന്റെ അടിസ്ഥാനത്തിൽ 2 കോ​ടി രൂ​പ അ​നു​വ​ദിച്ചിരുന്നു. തുടർന്ന് പാ​ല​ത്തി​ന്റെ സൗ​ന്ദ​ര്യം നി​ല​നിറുത്തിക്കൊ​ണ്ട് ഇവിടെ ക​ല്ലു​പാ​കുകയും ചെയ്തു. പാ​ലം കാ​ണാനെ​ത്തു​ന്ന വി​നോ​ദ​സ​ഞ്ചാ​രി​കൾ​ക്ക് വാ​ഹ​നം പാർ​ക്ക് ചെ​യ്യാൻ ക​ണ്ണ​റ​കൾ അ​ല്ലാ​തെ മ​റ്റ് സ്ഥ​ല​മി​ല്ല. ഈ സാ​ഹ​ചര്യ​ത്തിൽ 13 ക​ണ്ണ​റ പാ​ല​ത്തി​നു താ​ഴെ വാ​ഹ​നം പാർ​ക്ക് ചെ​യ്യാൻ സ​ഞ്ചാ​രി​ക​ളെ അ​നു​വ​ദി​ക്കാ​തി​രു​ന്നാൽ 2 കോ​ടി രൂ​പ മു​ട​ക്കി ന​ട​ത്തി​യ സൗ​ന്ദര്യവത്കര​ണ​വും അ​നു​ബ​ന്ധ നിർ​മ്മാ​ണ​ളും വെറുതെയാകുമെന്നും അദ്ദേഹം വ്യക്തമാക്കി.